ఖమ్మం పత్తి మార్కెట్‌లో భారీ అగ్నిప్రమాదం

స్వతంత్ర, వెబ్ డెస్క్: ఖమ్మం పత్తి మార్కెట్‌లో భారీ అగ్నిప్రమాదం చోటుచేసుకుంది. యార్డ్‌లో నిల్వ ఉంచిన పత్తి బస్తాలకు మంటలు అంటుకోవడంతో దాదాపు 1600 పత్తి బస్తాలన్నీఅగ్నికి అహుతీ అయినట్లు తెలుస్తోంది. పక్క షెడ్డులోని బస్తాలకు కూడా మంటలు వ్యాపించాయి. ఇంతలో సమాచారం అందుకున్న అగ్నిమాపక సిబ్బంది మంటలను అదుపులోకి తీసుకొచ్చారు. అయితే ప్రమాదానికి గల కారణాలు ఇంకా తెలియరాలేదు. రైతుల నుంచి పత్తి కొనుగోలు చేసిన వ్యాపారి ఇక్కడ నిల్వ చేసినట్లు తెలుస్తోంది. దీంతో ఆ వ్యాపారికి సుమారు రూ.1.25 కోట్ల నష్టం వాటిల్లినట్లు అంచనా వేస్తున్నారు.