హుజూరాబాద్లో దళిత బంధు రెండో విడతను వెంటనే విడుదల చేయాలన్నారు బీఆర్ఎస్ ఎమ్మెల్యే పాడి కౌశిక్ రెడ్డి. అంతవరకు తమ పోరాటం కొనసాగుతుందన్నారు. కాంగ్రెస్ పార్టీ తమ మేనిఫెస్టోలో ప్రకటించిన విధంగా దళిత కుటుంబాలకు 12 లక్షలు విడుదల చేయాలన్నారు. లేదంటే హస్తం నాయకులను నియోజకవర్గంలో తిరగనివ్వబోమన్నారు. సీఎం రేవంత్రెడ్డి దమ్ముంటే హుజూరాబాద్ నియోజకవర్గంలోని దళితకాలనీల్లో పాదయాత్ర చేయాలని డిమాండ్ చేశారు కౌశిక్రెడ్డి.
అంతకుముందు.. తన నియోజకవర్గంలో దళిత బంధు రెండో విడత రాని వాళ్లు తనకు దరఖాస్తు ఇవ్వాలని పిలుపునిచ్చారు ఎమ్మెల్యే కౌశిక్రెడ్డి. అప్లికేషన్లు ఇచ్చేందుకు వచ్చిన వారితో కలిసి అంబేడ్కర్ చౌరస్తాకు బయలుదేరగా పోలీసులు అడ్డుకున్నారు. ఈ సందర్భంగా జరిగిన తోపులాటలో కౌశిక్రెడ్డి స్వల్పంగా గాయపడ్డారు. దీంతో.. వెంటనే ఆయన్ను ఆస్పత్రికి తరలించారు.