చక్రం తిప్పిన ప్రతిభాసింగ్.!
హిమాచల్ ప్రదేశ్లో కాంగ్రెస్ సత్తా చాటుతోంది. మ్యాజిక్ ఫిగర్కు మించి సీట్లలో ఆధిక్యం కనబరుస్తోంది. కౌంటింగ్ ట్రెండ్స్ నిమిషం, నిమిషానికి మారిపోతున్నాయి. హిమాచల్ ప్రదేశ్లో బీజేపీ, కాంగ్రెస్ మధ్య హోరాహోరీ నడుస్తోంది. ఇప్పటి వరకు వెల్లడైన ఫలితాల ప్రకారం ఇక్కడ కాంగ్రెస్ 39 స్థానాల్లో ఆధిక్యంలో ఉండగా, బీజేపీ 26 స్థానాల్లో, ఇతరులు ఐదు స్థానాల్లో లీడ్లో ఉన్నారు. ఆప్ ఖాతా తెరవలేదు.
హిమాచల్ ఎన్నికల్లో కాంగ్రెస్ పార్టీకి విజయం తప్పనిసరిగా మారడంతో.. గెలుపుకోసం తీవ్రంగా శ్రమించింది. దివంగత నేత, హిమాచల్ ప్రదేశ్ మాజీ ముఖ్యమంత్రి వీరభద్రసింగ్ చేసిన సేవలను ప్రజల్లోకి తీసుకెళ్లడానికి ప్రయత్నించింది. ఈసారి రాజకీయ దిగ్గజం వీరభద్ర సింగ్ లేకుండానే, కాంగ్రెస్ పార్టీ ఎన్నికలకు వెళ్లింది. వీరభద్రసింగ్ సతీమణి ప్రతిభాసింగ్… పీసీసీ ప్రెసిడెంట్ హోదాలో హిమాచల్ ప్రదేశ్ లో చక్రం తిప్పారు.