Bandi Sanjay | బీజేపీ రాష్ట్ర అధ్యక్షుడు బండి సంజయ్ బెయిల్ రద్దు పిటిషన్ను హనుమకొండ జిల్లా కోర్టు కొట్టివేసింది. పదో తరగతి హిందీ పేపర్ మాల్ ప్రాక్టీస్ కేసులో ప్రధాన నిందితుడిగా బండి సంజయ్ను చేర్చుతూ పోలీసులు కేసు నమోదు చేసి అరెస్టు చేశారు. అనంతరం హనుమకొండ జిల్లా కోర్టు బెయిల్ ఇచ్చింది. అయితే బెయిల్ షరతులు ఉల్లంఘిస్తున్నారని.. ఆయనకు మంజూరు చేసిన బెయిల్ను రద్దు చేయాలని ఈనెల 17న పిటిషన్ దాఖలు చేశారు పోలీసులు. దీనిపై న్యాయస్థానంలో విచారణ చేపట్టిన హనుమకొండ కోర్టు.. బెయిల్ రద్దుకు సహేతుక కారణాలు లేవన్న బండి సంజయ్ తరఫు న్యాయవాది వాదనలు పరిగణనలోకి తీసుకొని పోలీసుల పిటిషన్ను కొట్టివేసింది.
