సూర్యవంశీ కుటుంబం నుంచి మరో యువ బ్యాటర్‌

సూర్యవంశీ కుటుంబం నుంచి మరో యువ క్రికెటర్ తన బ్యాటింగ్‌తో సెంటర్‌ ఆఫ్‌ ది అట్రాక్షన్‌గా నిలిచాడు. అతనే వైభవ్‌ సూర్యవంశీ తమ్ముడు ఆశీర్వాద్ సూర్యవంశీ. బీహార్‌లోని సమస్తిపూర్‌లో జరిగిన ఓ స్థానిక ప్రాక్టీస్ మ్యాచ్‌లో క్రికెట్ అకాడమీ తాజ్‌పూర్ తరఫున బరిలోకి దిగిన ఆశీర్వాద్ అద్భుత శతకంతో మెరిశాడు. కేవలం 87 బంతుల్లోనే 103 పరుగులు సాధించి అందరినీ ఆకట్టుకున్నాడు. అతని ఇన్నింగ్స్‌లో 20 ఫోర్లు, ఒక సిక్సర్ ఉండగా, 118కు పైగా స్ట్రైక్ రేట్‌తో ప్రత్యర్థి బౌలర్లపై ఆధిపత్యం చెలాయించాడు.