టీవీకే, కాంగ్రెస్‌ పార్టీ మధ్య భాగస్వామ్యాన్ని బలోపేతం చేసే విధంగా సీఎం విజయ్‌ కీలక నిర్ణయం తీసుకున్నారు. తమిళనాడు నుంచి ఖాళీగా ఉన్న ఏకైక రాజ్యసభ సీటును కూటమి భాగస్వామి అయిన కాంగ్రెస్‌కు కేటాయించారు. ఈ నిర్ణయం కాంగ్రెస్‌కు బూస్ట్‌ ఇచ్చినట్టయింది. రాష్ట్రంలో టీవీకే ప్రభుత్వం అధికారంలో కొనసాగాలంటే కాంగ్రెస్‌ మద్దతు చాలా అవసరం. ఎన్నికల్లో పూర్తి మెజార్టీ సాధించలేకపోవడంతో టీవీకేకు కాంగ్రెస్‌ నుంచి ఐదుగురు ఎమ్మెల్యేల మద్దతు కీలకంగా మారింది. ఈ నేపథ్యంలో కాంగ్రెస్‌కు రాజ్యసభ సీటు ఇవ్వడం రాజకీయంగా ప్రాధాన్యం సంతరించుకుంది.