నేడు సుప్రీంకోర్టులో కేటీఆర్ పిటిషన్ విచారణ

సుప్రీంకోర్టులో కేటీఆర్ పిటిషన్ ఇవాళ విచారణకు రానుంది. తెలంగాణలో సంచలనంగా మారిన ఫార్ములా ఈ కారు రేసు కేసులో మాజీ మంత్రి కేటీఆర్ సుప్రీంకోర్టును ఆశ్రయించారు. హైకోర్టు ఆయన వేసిన క్వాష్ పిటిషన్‌ను కొట్టివేయడంతో… కేటీఆర్ ఈ నెల 8న సుప్రీంకోర్టులో SLP దాఖలు చేశారు. KTR దాఖలు చేసిన పిటిషన్‌పై జస్టిస్ బేలా ఎం త్రివేది, జస్టిస్ ప్రసన్న వర్లె ధర్మాసనం నేడు విచారణ జరపనుంది. ఈ కేసు సుప్రీంకోర్టులోని కోర్టు హాల్‌లో 37వ నెంబర్‌గా లిస్ట్ చేయబడింది. కేటీఆర్ సుప్రీంకోర్టును ఆశ్రయించే ముందే.. తెలంగాణ ప్రభుత్వం కూడా ఈ కేసులో ముందుగానే స్పందించింది. ఏసీబీ కేసుపై ప్రభుత్వం కేవియట్ పిటిషన్ దాఖలు చేసి, హైకోర్టు తీర్పుపై కేటీఆర్ పిటిషన్ వేస్తే తమ వాదనలూ వినాలని కోరింది. కేటీఆర్ పిటిషన్‌కు సంబంధించిన విచారణ… ప్రభుత్వ వాదనలు నేడు సుప్రీంకోర్టులో కీలకంగా ఉండనున్నాయి.