ఆడుకుంటున్న చిన్నారి పైనుంచి వెళ్లిన కారు

    యూపీలోని నోయిడాలో రోడ్డుపై ఆడుకుంటున్న ఏడాదిన్న‌ర చిన్నారి పైనుంచి కారు వెళ్లింది. నిన్న అర్థరాత్రి సెక్టార్- 63లో ఈ ఘ‌ట‌న చోటుచేసుకుంది. తీవ్ర గాయాల పాలవడంతో చిన్నారిని స్థానికులు వెంట‌నే ఆసుప‌త్రికి త‌ర‌లించారు. ప్ర‌స్తుతం పాప ప‌రిస్థితి విష‌మంగా ఉన్న‌ట్లు స‌మాచారం. ప్ర‌మాదానికి సంబంధించిన వీడియో సోష‌ల్ మీడియాలో వైర‌ల్‌గా మారింది. త‌ల్లీకూతురు ఇంటి గేటు ద‌గ్గ‌ర రోడ్డుపై ఉండ‌గా ఈ ఘ‌ట‌న చోటుచేసుకుంది. కాగా, ఈ ఘటనపై సోషల్ మీడియా ద్వారా పోలీసులకు సమా చారం అందడంతో వెంటనే రంగంలోకి దిగిన‌ సెక్టార్-63 పోలీసులు ప‌లు సెక్షన్ల కింద కేసు నమోదు చేసి ద‌ర్యాప్తు చేపట్టారు. ఘటనకు కారణమైన వాహనాన్ని సీసీటీవీ ఫుటేజీ ద్వారా గుర్తించారు . ప‌రారీలో ఉన్న కారు డ్రైవర్‌ను పట్టుకునేందుకు బృందాలను ఏర్పాటు చేశారు.