సీనియర్ జర్నలిస్ట్ శివ మల్లాల నూతనంగా స్థాపించిన ‘శివమ్ మీడియా’ గురించి అందరికి తెలిసిందే. ఈ నిర్మాణ సంస్థ నుండి రాబోతున్న మొదటి సినిమా ‘సత్య’. ఈ సినిమా టీజర్‌తో పాటు ఒక సాంగ్‌ను గురువారం లాంచ్ చేశారు.
ఈ సందర్భంగా డైరక్టర్ వాలి మోహన్ దాస్ మాట్లాడుతూ: ‘‘నాకు తెలుగు అంటే చాలా ఇష్టం. ఇలాంటి ఒక మంచి సినిమా చేసినందుకు నాకు చాలా హ్యాపీగా ఉంది. అందరూ చాలా బాగా చేశారు. సత్య సినిమా నాకు చాలా స్పెషల్ ఎందుకంటే ఇది నా మొదటి సినిమా, మొదటి హీరో, మొదటి హీరోయిన్, మొదటి ప్రొడ్యూసర్.. నా అనుభవం నుండి తీసిన కథ ఇది అని చెప్పారు.
తెలుగులో సత్య సినిమాకి మాటలు అందిచిన K.N విజయ్ కుమార్ మాట్లాడుతూ: ‘‘సత్య ఒక సినిమాలాగా ఉండదు ప్రతీది కూడా చాలా లైవ్ గా ఉంటుంది.. ఎన్నో ఫ్యామిలీ ఎమోషన్స్ ఉన్నాయి, ఒకరు ఇద్దరు తప్ప అందరూ ఈ సినిమాలో కొత్తవారే, మొదటి సారి డైరక్టర్ అయినప్పటికీ వాలి మోహన్ దాస్ చాలా బాగా డైరెక్ట్ చేశారు. ఈ సినీమా చుస్తున్నత సేపు ఏదో సినిమా చూసాం అని అనిపించదు, శివ జర్నీ మీరు అందరూ చూస్తారు.. పైగ స్టూడెంట్స్ అందరూ ఆలోచిస్తారు. ప్రొడ్యూసర్ శివ మల్లాల గారు నాకు ఈ అవకాశం ఇచ్చినందుకు, నన్ను నమ్మినందుకు రుణ పడి ఉంటాను.’’ అని అన్నారు.
నిర్మాత K బాబు రెడ్డి మాట్లాడుతూ: ‘‘శివ నిర్మాతగా మొదటి సినిమానే సత్య లాంటి పేరుతో మొదలు పెట్టారు, పెద్ద పెద్ద విజయాలు అందుకోవాలని మనస్పూర్తిగా కోరుకుంటున్నాను’’ అని చెప్పారు.
నిర్మాత సతీష్ మాట్లాడుతూ: ‘‘తెలుగువాడిని అయిన నేను చెన్నైలో స్థిరపడ్డాను.. శివకి సినీమా చూపించాను.. వెంటనే ‘అన్న ఈ సినీమా నేను తెలుగులో రిలీజ్ చేస్తాను’ అని చెప్పారు, నిజానికి ఇలా నాతో చాలా మంది అన్నారు శివ కూడా అలానే అనుకున్నాను కాని సినిమా రిలీజ్ అప్పుడు వచ్చి స్టేజి మీద ఈ సినిమాని తెలుగులో మేము రిలీజ్ చేస్తున్నాం అన్నారు, అప్పుడు శివ సీరియస్ గానే అన్నాడని అర్ధమైంది.. ఆ తరవాత ఇదిగోండి ఈరోజు ఇలా ఉన్నాం.. హమరేష్ “విక్రమ్: హరోగా చేసిన “నాన్న” మూవీ లవ్ చైల్డ్ ఆర్టిస్ట్ గా, లోకేష్ కనగరాజ్ నగరంలో, ప్రియదర్శి గారు దర్శకత్వంలో సినిమాలు చేశాడు. అప్పుడు హమరేష్ లో ఉన్న ప్యాషన్ నాకు అర్ధం కాలేదు, పోను పోను తను పెట్టె ఎఫర్ట్ అర్ధమై, గోపురం ప్రొడక్షన్స్ లో రంగోలి పేరుతో ఈ సినిమాని స్టార్ట్ చేశాం, పెద్ద సక్సెస్ అయ్యింది.. అందుకే అందరం సపోర్ట్ చేస్తున్నాం.. తెలుగు ఇండస్ట్రీ చాలా మందిని ఆదరించింది, అలాగే అమారేష్ నీ కూడా ఆదరిస్తుంది అనుకుంటున్నాను’’ అని అన్నారు.
ప్రార్థన సందీప్ మాట్లాడుతూ – ‘‘రంగోలి తమిళ్ లో చాలా పెద్ద హాట్ అయ్యింది అండి.. ఇప్పుడు తెలుగు లో మంచి సక్సెస్ అవ్వాలని కోరుకుంటూన్నాను’’ అని చెప్పారు..
హీరో అమరేష్ మాట్లాడుతూ : ‘‘రంగోలి అనే తమిళ్ సినిమాని తెలుగులో సత్యగా మీ ముందుకు తీసుకొని వచ్చాము.. చెన్నైలో రిలీజ్ అయ్యే ప్రతి తెలుగు సినిమా థియేటర్ లో చూసే వాడిని.. ఈ తెలుగు స్టేజ్ కు ఉన్న పవర్ నాకు తెలుసు.. అమ్మ నాన్న, బాబు రెడ్డి గారి సపోర్ట్ లేకుండా నేను ఇదంతా చెయ్యలేను.. చాలా మంది ఈ సినిమాని తమిళ్ లో చూసి నాకు ఇంస్టాగ్రామ్ లో మెసేజ్ చేశారు. సినిమా చాలా బాగుంది అని.. నాన్న శ్రీశైలం, అమ్మ చెన్నై కావడంతో నాకు తెలుగు తమిళ్ రెండు ఇండస్ట్రీస్ రెండు కళ్ళతో సమానం’’ అని చెప్పారు.
టీఎఫ్‌జేఏ అధ్యక్షుడు లక్ష్మీ నారాయణ మాట్లాడుతూ: ‘‘శివ ఒక జర్నలిస్ట్ గా మీడియాలో ఉంటూ చాలా కష్టపడి ఈ స్టేజ్ కి వచ్చాడు.. ఈ తొలి ప్రయత్నం పెద్ద విజయం చేకూర్చాలని కోరుకుంటున్నాము.’’ అన్నారు.
సినీ జోష్ రాంబాబు మాట్లాడుతూ,.. ‘‘శివ గారి సతీమణి సుజాత గారి వల్లే నాకు ఈరోజు ఈ గుర్తింపులన్ని వచ్చాయి.. శివ గురించి నాకు బాగా తెలుసు, ఈ సినీమా పెద్ద సక్సెస్ అవ్వాలని కోరుకుంటున్నాము.’’ అన్నారు.
యాక్టర్ కార్తిక్ రత్నం మాట్లాడుతూ: ‘‘రంగోలి సినిమా అదిరిపోతుంది.. తెలుగులో కచ్చితంగా అందరికీ బాగా నచ్చుతుంది, శివ మల్లాల గారు ఈ సినిమాని రిలీజ్ చేయడం చాలా ఆనందంగా ఉంది. ఈ డైరక్టర్ వాలి మోహన్ దాస్ నాతో కూడా ఒక సినిమా చూశారు.. అది కుడా త్వరలో రిలీజ్ అవుతుంది.’’ అన్నారు.
శివమ్ మీడియా అధినేత శివ మల్లాల మాట్లాడుతూ.. ‘‘ఈసినిమా కోసం అన్నీ అవే కలిసొచ్చాయి.. ఈరోజు మన ఈవెంట్ జరగాలిసిన టైం లో ఇక్కడ ఫ్యామిలీ స్టార్ స్క్రీనింగ్ జరిగింది.. దిల్ రాజ్ గారు అంటే నాకు చాలా ఇష్టం అయన కష్టపడి ఎదిగిన విధానం నాకు ఒక ఇన్స్పిరేషన్.. దిల్ రాజు గారు లాంటి స్టార్ ప్రొడ్యూసర్ కూడా ఈరోజు అమరేషను, ప్రార్థన సందీప్ ని విష్ చేశారు. నాన్న అంటే ఎవరికీ ఇష్టం ఉండదు.. నాకు నాన్న లేరు, అందుకని నాకు అయన విలువ బాగా తెలుసు, అందరు పిల్లలు నాన్న మనకి ఏం ఇచ్చారు అనుకుంటారు, కాని నా సినిమాలో హీరో సత్య మాత్రం నేను నాన్నకి ఏమన్నా ఇవ్వాలి అని, అనుకుంటే ఏమన్నా చెయ్యగలను అని తన జర్నీ ని స్టార్ట్ చేశారు. ఈ సినిమాని చాలా మంది నిర్మాతలు తెలుగులో చేస్తాం అని అడిగారు కాని సతీష్ గారు నేను శివకి మాట ఇచ్చాను అని, నన్ను నమ్మి నాకు ఈ సినిమా ఇచ్చారు, ఎన్నో సినిమాలకి రివ్యూస్ రాసిన నేను, కచ్చితంగా మీ ముందుకు మంచి సినిమానే తీసుకొని వస్తాను.’’ అని అన్నారు.
సీనియర్ జర్నలిస్ట్ ప్రభు మాట్లాడుతూ : ‘‘శివ జర్నీ ఒక్క సారి చూస్తే. రీల్ కెమెరా వచ్చినప్పటి నుండీ ఇప్పుడు డిజిటల్ ఎరా వరుకు.. ఎప్పుడు కష్టపడుతునే ఉంటాడు.. తన మార్క్ నీ చుపించాడానికి పరిగెడుతునే ఉంటాడు.. హార్డ్ వర్క్ ని నమ్ముకుని రిలేషన్స్ ని మెయింటైన్ చేసుకుంటూ వెళ్ళే వ్యక్తికి సక్సెస్ కచ్చితంగా వస్తుంది.’’ అని అన్నారు.
జర్నలిస్ట్, పీఆర్వో మధు మాట్లాడుతూ : ‘‘ఒక సాధారణ ఫోటోగ్రాఫర్ నుండి ప్రొడ్యూసర్ అయ్యి. ఈ సినిమాతో హిట్ కొట్టి,శివ మల్లాల స్ట్రెయిట్ ప్రొడ్యూసర్ గా సక్సెస్ అవ్వాలని కోరుకుంటున్నాను.’’ అని చెప్పారు.
బ్యానర్: శివం మీడియా
హీరో: అమరేష్
హీరోయిన్: ప్రార్థన సందీప్
దర్శకుడు: వాలి మోహన్ దాస్
మాటలు : K.N విజయ్ కుమార్
నిర్మాత: శివ మల్లాల
పీఆర్వో : మధు VR