సుహాస్‌, కార్తీక్‌ర‌త్నం, రుహానిశ‌ర్మ, విరాజ్ అశ్విన్‌ ముఖ్య‌తార‌లుగా రూపొందుతున్న చిత్రం ‘శ్రీరంగనీతులు’. ప్ర‌వీణ్‌కుమార్ వీఎస్ఎస్ ద‌ర్శ‌కుడు. రాధావి ఎంట‌ర్‌టైన్‌మెంట్స్ ప‌తాకంపై వెంక‌టేశ్వ‌ర‌రావు బ‌ల్మూరి ఈ చిత్రాన్ని నిర్మిస్తున్నారు. చిత్రీక‌ర‌ణ పూర్తిచేసుకున్న ఈ చిత్రం ప్ర‌మోష‌న్ కార్య‌క్ర‌మాల‌కు ఇటీవ‌ల నూత‌న సంవ‌త్స‌రం సంద‌ర్భంగా శ్రీ‌కారం చుట్టిన సంగ‌తి తెలిసిందే. తాజాగా ఈ చిత్రానికి సంబంధించిన టీజ‌ర్‌ను విడుదల చేసింది చిత్ర యూనిట్‌.
ప్రముఖ న‌టుడు త‌నికెళ్ల భ‌ర‌ణి పాత్ర చెప్పే మాట‌ల‌తో ప్రారంభ‌మై టీజర్ ఎంతో నేచుర‌ల్‌గా అనిపించే సంభాష‌ణ‌ల‌తో, స‌న్నివేశాల‌తో ఆద్యంతం ఆక‌ట్టుకునే విధంగా కొన‌సాగుతుంది. యువ‌త‌రం భావోద్వేగాల‌తో, సినిమాలోని పాత్ర‌ల‌తో త‌మ‌ను తాము ఐడెంటిఫై చేసుకునే క‌థ‌ల‌తో, స‌హ‌జంగా సాగే మాట‌లు, మ‌న‌సుకు హ‌త్తుకునే స‌న్నివేశాల‌తో వ‌చ్చే సినిమాలు చాలా అరుదుగా వుంటాయి. స‌రిగ్గా అలాంటి సినిమానే శ్రీరంగనీతులు. ఈ చిత్రం టీజర్ చూసిన ప్ర‌తి ఒక్క‌రికి త‌ప్ప‌కుండా ఇదే ఫీల్ క‌లుగుతుంది.
టీజర్ విడుదల సంద‌ర్భంగా ద‌ర్శ‌కుడు చిత్ర విశేషాల‌ను తెలియ‌జేస్తూ.. ‘‘ఈత‌రం యువ‌త వారి ఆలోచ‌న‌ల‌ను, వారి ఎమోష‌న్స్‌ను ఏ విధంగా వుంటున్నాయి అనేది ఈ చిత్రంలో వుండే పాత్రల ద్వారా చూపిస్తున్నాం. సినిమాలో ఉండే ఆస‌క్తిక‌ర‌మైన కథ, కథ‌నాల‌ను ప్రేక్ష‌కుల‌ను ఎంట‌ర్‌టైన్ చేస్తూనే మ‌న‌సుకు హ‌త్తుకుంటాయి. కొత్త‌ద‌నంతో పాటు పూర్తి క‌మ‌ర్షియ‌ల్ అంశాల‌తో రూపొందించిన చిత్ర‌మిది’’ అని అన్నారు.
నిర్మాత మాట్లాడుతూ ‘‘నేటి యువ‌త ఆలోచ‌న‌లు, కుటుంబ బంధాలు..ఎంటర్టైన్మెంట్ ఇలా అన్ని అంశాల క‌ల‌యిక‌తో ద‌ర్శ‌కుడు చిత్రాన్ని అంద‌ర్ని అల‌రించే విధంగా తెర‌కెక్కించాడు. త‌ప్ప‌కుండా చిత్రం అంద‌రి ఆద‌ర‌ణ పొందుతుంద‌నే న‌మ్మ‌కం వుంది’’ అన్నారు. ఈ చిత్రానికి డీఓపీ: టీజో టామీ, సంగీతం: హ‌ర్షవ‌ర్థ‌న్ రామేశ్వ‌ర్‌, అజ‌య్ అర‌సాడ, ఎడిటింగ్‌: శ‌శాంక్ ఉప్ప‌టూరి.