స్వతంత్ర వెబ్ డెస్క్: సూర్యుడిపై పరిశోధనలకు సిద్ధమవుతోన్న ఆదిత్య ఎల్ 1 ప్రయోగానికి సిద్దమయ్యింది. ఈ ప్రయోగానికి ఇస్రో అధికారులు రిహార్సల్స్ కూడా పూర్తి చేశారు. PSLV-C57 ఆదిత్య L1 మిషన్ ప్రయోగానికి సన్నాహాలు జరుగుతున్నాయని… లాంచ్ రిహార్సల్ – వెహికల్ అంతర్గత తనిఖీలు పూర్తయ్యాయని ఇస్రో ట్విట్టర్లో పోస్ట్ చేసింది. ఆదిత్య-ఎల్1 మిషన్ సూర్యున్ని అధ్యయనం చేసే లక్ష్యంతో ప్రారంభించబడిన భారతదేశపు మొట్టమొదటి సోలార్ మిషన్.
ఆదిత్య ఎల్ 1 మిషన్ ను 2023, సెప్టెంబర్ 2వ తేదీ ఉదయం 11 గంటల 50 నిమిషాలకు.. ఆంధ్రప్రదేశ్ శ్రీహరి కోట నుంచి ప్రయోగించనుంది ఇస్రో. పీఎస్ఎల్వీ సీ57 రాకెట్ ద్వారా ఆదిత్య ఎల్ 1 ఉపగ్రహాన్ని అంతరిక్షంలోకి పంపించనున్నారు శాస్త్రవేత్తలు. సూర్యుడి గురించి పరిశోధనలు చేయడానికి ఆదిత్య L1 భూమి నుంచి 15 లక్షల కిలోమీటర్ల దూరంలో ఉన్న లాంగ్రేజ్ పాయింట్-1 వద్ద కక్ష్యలో ప్రవేశపెట్టనున్నారు. దీని ద్వార గ్రహణాలతో సంబంధం లేకుండా సూర్యుడిని అధ్యయనం చేసేందుకు ఉపయోగపడుతుంది.
