ఏపీలో నాలుగు రోజుల పాటు భారీ వర్షాలు

బంగాళాఖాతంలో ఏర్పడిన తీవ్ర అల్పపీడనం కొనసాగుతుంది. ఈ ప్రభావంతో ఆంధ్రప్రదేశ్ లో నాలుగు రోజుల పాటు భారీ వర్షాలు పడతాయని వాతావరణ శాఖ తెలిపింది. రేపటికి ఉత్తర తమిళనాడు, ఆంధ్రప్రదేశ్ లోని దక్షిణ కోస్తా తీరాలకు చేరుకుంటుందని అధికారులు తెలిపారు. ఈ ప్రభావంతో నేటి నుంచి ఏపీలో మోస్తరు నుంచి భారీ వర్షాలు కురిసే అవకాశముందని తెలిపింది. వాయుగుండం తీవ్ర అల్పపీడనంగా మారడంతో కొంత ముప్ప తప్పినట్లేనని ఇప్పటికే అధికారులు ప్రకటించారు. అయినా తీవ్ర అల్పపీడనం కొనసాగుతుండటంతో వర్షాలు కురియడం ఆగవని మాత్రం అధికారులు చెబుతున్నారు. ప్రజలు అప్రమత్తంగా ఉండాలని అధికారులు సూచిస్తున్నారు.