భారీ శబ్దంతో మణికొండలో పేలుడు

స్వతంత్రటీవీ, వెబ్ డెస్క్: హైదరాబాద్ లోని మణికొండ లాలమ్మ గార్డెన్ లో పేలుడు సంభవించింది. ఈ ఘటనలో ఓ వ్యక్తికి తీవ్ర గాయాలు కావడంతో అతడిని హాస్పిటల్ కు తరలించారు. భారీ శబ్దంతో పేలుడు సంభవించడంతో స్థానికులు భయాందోళనకు గురయ్యారు. కెమికల్ డబ్బాలు పేలడం వల్ల ప్రమాదం జరిగినట్లు తెలుస్తోంది. సమాచారం అందుకున్న పోలీసులు.. ఘటనా స్థలానికి చేరుకుని విచారణ చేపడుతున్నారు. పేలుడు జరగడానికి గల కారణాలు తెలియాల్సి ఉంది.