రుస్తుంబాదలో తీవ్ర ఉద్రిక్త పరిస్థితి

పశ్చిమ గోదావరి జిల్లా నరసాపురం మండలం రుస్తుంబాదలో ఓఎన్‌జీసీ గ్యాస్‌ పైప్‌లైన్ తమ పొలాల నుండి వేయొద్దని రైతులు అడ్డుకున్నారు. దీంతో తీవ్ర ఉద్రిక్త పరిస్థితి నెలకొంది. పొలాల నుండి పైప్‌లైన్ వేయొద్దని పదేళ్లుగా రైతులు అడ్డుకున్నారు. ఈ నేపథ్యంలో ఓఎన్జీసీ అధికారులు పోలీసు భద్రత కోరారు. దీంతో అక్కడికి చేరుకున్న పోలీసులు రైతులను అరెస్టు చేసి, ప్రైవేటు వాహనంలో తరలించారు . రైతుల పట్ల వ్యవహరించిన తీరుపై రైతు సంఘం నేతలు మండిపడ్డారు. తమ పొలాల నుండి పైప్‌ లైన్లు వేయనివ్వం అని రైతులు స్పష్టం చేశారు.