పవర్ స్టార్ పవన్ కల్యాణ్(Pawan Kalyan) వరుస సినిమాలతో బిజీ బిజీగా ఉన్నాడు. ఇప్పటికే మూడు సినిమాల షూటింగ్ లతో బిజీగా ఉన్న పవన్.. తాజాగా ఓజీ(OG) షూటింగ్ లో పాల్గొననున్నాడు. ఈ చిత్రానికి యంగ్ క్రేజీ డైరెక్టర్ సుజిత్(Sujeeth) దర్శకత్వం వహిస్తున్నాడు. సుజిత్.. పవన్ కల్యాణ్ వీరాభిమాని కావడంతో ఈ చిత్రంలో పవన్ ను ఓ రేంజ్ లో చూపించడానికి రెడీ అయ్యాడు. అందుకు తగ్గట్లే వరుస సినిమా అప్టేడ్స్ ఇస్తూ క్రేజ్ క్రియేట్ చేశాడు.
ఇటీవలే గ్రాండ్ లాంఛ్ ఈవెంట్ జరుపుకున్న ఈ చిత్రం.. తాజాగా ఈ సినిమా షూటింగ్ ముంబైలో స్టార్ట్ చేసింది. ఈ మేరకు చిత్ర నిర్మాణ సంస్థ డీవీవీ ఎంటర్ టైన్మెంట్స్ ‘Fire Strom is Coming’ అంటూ ఓ స్పెషల్ వీడియో విడుదల చేసింది. వచ్చే వారం నుంచి పవన్ కల్యాణ్ ఈ సినిమా షూటింగ్ లో పాల్గొంటాడని తెలిపింది. సినిమా గ్యాంగ్ స్టర్స్ నేపథ్యంలో గ్రాండ్ గా తెరకెక్కనుందని వీడియో చూస్తుంటే తెలుస్తోంది. ఇక ఈ వీడియో చూసిన పవర్ స్టార్ ఫ్యాన్స్ తమ హీరోను స్టైలిష్ గ్యాంగ్ స్టర్ గా సుజిత్ చూపించనున్నాడని కామెంట్స్ చేస్తున్నారు.