దాచేపల్లిలో వైసీపీ ఆందోళన.. హైవేపై ట్రాఫిక్‌ జామ్‌!

పల్నాడు జిల్లా దాచేపల్లిలో వైసీపీ నాయకులు, కార్యకర్తలు ఆందోళనకు దిగారు.. నామినేషన్లు వేసేందుకు వెళ్లిన తమపై దాడులు చేస్తూ భయభ్రాంతులకు గురిచేస్తున్నా అధికారులు పట్టించుకోవడం లేదని ఆరోపించారు.. తమకు న్యాయం చేయాలంటూ అద్దంకి–నార్కెట్‌పల్లి జాతీయ రహదారిపై బైఠాయించి నిరసన చేపట్టారు.. సుమారు అరగంటగా కొనసాగిన ఈ ఆందోళనతో హైవేపై వాహనాల రాకపోకలు నిలిచిపోయాయి.. దీంతో భారీగా ట్రాఫిక్‌ అంతరాయం ఏర్పడింది.. తమపై దాడులకు పాల్పడిన వారిపై చర్యలు తీసుకోవాలని, తమకు న్యాయం చేయాలని వైసీపీ శ్రేణులు డిమాండ్‌ చేస్తున్నాయి..