హైదరాబాద్‌లో గణేష్‌ నిమజ్జనం సందడి.. కాసేపట్లో ఖైరతాబాద్ మహాగణపతి శోభాయాత్ర

హైదరాబాద్‌లో గణేష్‌ నిమజ్జనం సందడి నెలకొంది. నవరాత్రులు పూజలందుకున్న గణనాథులు నిమజ్జనానికి తరలివస్తున్నారు. కాసేపట్లో ఖైరతాబాద్‌ మహాగణపతి శోభాయాత్ర ప్రారంభం కానుంది. వాహనాన్ని టస్కర్‌ వాహనంపైకి చేర్చారు. విగ్రహం చుట్టూ వెల్డింగ్ పనులు కొనసాగుతున్నాయి. ఉదయం 6 గంటలకు ప్రారంభంకావాల్సిన శోభయాత్ర ఆలస్యం కానుంది. క్రేన్‌లో సాంకేతిక సమస్యతో ఆలస్యమైంది. మధ్యాహ్నం 2 గంటల వరకు ఖైరతాబాద్‌ గణేశుడి నిమజ్జనం పూర్తి చేయనున్నారు. 69 అడుగుల విగ్రహం నిమజ్జనానికి అన్ని ఏర్పాట్లు పూర్తి చేశారు. క్రేన్‌ నెంబర్‌ 5 వద్ద మహాగణపతి నిమజ్జనం చేయనున్నారు.