ఫీజు రీయింబర్స్‌మెంట్‌ బకాయిలకు కాంగ్రెస్, బీఆర్ఎస్ కారణం.. గవర్నర్‌కు బీజేపీ ఫిర్యాదు

తెలంగాణ గవర్నర్‌ శివప్రతాప్‌ శుక్లాను బీజేపీ ప్రతినిధులు కలిశారు. ఫీజు రీయింబర్స్‌మెంట్‌ బకాయిల విడుదలపై గవర్నర్‌కు ఫిర్యాదు చేశారు. బకాయిలు విడుదల చేసేలా ప్రభుత్వాన్ని ఆదేశించాలని కమలనాథులు కోరారు. ప్రజల దృష్టి మరల్చేందుకు బీఆర్‌ఎస్‌, కాంగ్రెస్‌ ప్రయత్నిస్తున్నాయని ఈ సందర్భంగా బీజేపీ రాష్ట్ర అధ్యక్షుడు రామచందర్‌రావు అన్నారు. రెండు పార్టీలు డైవర్షన్‌ పాలిటిక్స్‌కు పాల్పడుతున్నాయని ఆరోపించారు. శాసనసభలో ఒకరోజు పూర్తిగా ఫీజు రీయింబర్స్‌మెంట్‌పై చర్చ జరగాలని డిమాండ్ చేశారు. విద్యాశాఖ సీఎం రేవంత్‌ దగ్గరే ఉందని.. కానీ ఆ శాఖలో ఏం జరుగుతుందో అర్థంకావడం లేదని అన్నారు. ఫీజు రీయింబర్స్‌మెంట్‌ బకాయిలకు కాంగ్రెస్‌, బీఆర్‌ఎస్‌లే కారణమని రామచందర్‌రావు తెలిపారు.