రైతు రుణమాఫీపై నిరసనలకు బీఆర్ఎస్‌ పిలుపు

రైతు రుణామాఫీలపై నిరసనలకు పిలుపునిచ్చింది బీఆర్ఎస్. రైతులందరికీ రుణమాఫీలు కాలేదంటూ విమర్శిస్తున్న కేటీఆర్.. రాష్ట్రంలో ఉన్న ప్రతి రైతుకు రుణమాఫీ చేయాలంటూ ఈ నెల 22న రాష్ట్రవ్యాప్త నిరసనలకు పిలుపునిచ్చారు. ఎన్నికల మేనిఫెస్టోలో 40 వేల కోట్ల రుణమాఫీలని, ఇపుడు కేవలం 18 వేల కోట్లు మాత్రమే రుణమాఫీలు చేసారంటూ విమర్శించారు. 40 శాతం మంది రైతులకు కూడా రుణమాఫీలు చేయకముందే రుణమాఫీ సక్సెస్ అని గొప్పలు చెప్పుకుంటున్నారని మండిపడ్డారు. ఎలాంటి ఆంక్షలు పెట్టకుండా తక్షణమే రైతులందరికీ రుణమాఫీ చేయాలని డిమాండ్ చేశారు.