3 రోజుల్లో రూ. 3670 కోట్లు కలెక్ట్ చేసిన ‘డెడ్‌పుల్ అండ్ వాల్వ‌రిన్’

సూప‌ర్ బ్లాక్ బ‌స్ట‌ర్ టాక్‌తో విజ‌యవంతంగా డెడ్ పుల్ అండ్ వాల్వ‌రిన్ తెలుగునాట థియేట‌ర్లలో సందడి చేస్తోంది. అత్యంత భారీ అంచ‌నాల మ‌ధ్య ప్ర‌పంచ‌వ్యాప్తంగా జూలై 26న విడుద‌లైన ఈ సినిమాను మార్వెల్ స్టూడియోస్ నిర్మించింది. ర‌య‌న్ రెనాల్డ్స్, హుయ్ జాక్ మెయిన్ ముఖ్య పాత్ర‌లుగా తెర‌కెక్కిన ఈ సినిమా విడుద‌లైన మూడు రోజుల్లోనే వరల్డ్ వైడ్ బాక్స్‌ఫీస్‌ని షేక్ చేస్తుంది. దాదాపుగా మూడు రోజుల్లో 3670 కోట్లు క‌లెక్ట్ చేసి కాసుల వ‌ర‌ద సృష్టించింది. ఇండియాలో కూడా డెడ్ పుల్ అండ్ వాల్విరిన్ క‌లెక్ష‌న్ల హ‌వా కొన‌సాగుతుంది. మరీ ముఖ్యంగా తెలుగులో ఈ సినిమాకు మార్వెల్ మూవీ అభిమానుల ఆద‌ర‌ణ ద‌క్కింది. తెలుగు డ‌బ్బింగ్ వెర్ష‌న్‌లో ఉన్న టైమ్లీ డైలాగులు అభిమానుల్ని విశేషంగా ఆకట్టుకున్నాయి. డెడ్ పుల్ పాత్ర‌దారు ర‌య‌న్ రెనాల్డ్స్ ప‌లికిన ప్ర‌తి సంభాష‌ణ‌కి సంబంధించిన తెలుగు డ‌బ్బింగ్ ఆద్యంతం హాస్యాన్ని పండించింది. దీంతో ఈ సినిమాకు విడుద‌లైన రోజు నుంచి తెలుగులో విశేషాద‌ర‌ణ ల‌భిస్తుంది.