ఢిల్లీలో పన్నెండు స్కూల్స్ కి బాంబు బెదిరింపులు

ఢిల్లీలోని స్కూల్స్‌కి బాంబు బెదిరింపు రావడం కలకలం రేపింది. మొత్తం 12 స్కూల్స్‌కు బాంబు పెట్టినట్టు అగంతకులు ఈ మెయిల్‌ చేశారు. స్కూల్స్ యాజమాన్యం పోలీసులకు సమాచారమిచ్చాయి. రంగంలోకి దిగిన పోలీసులు తనిఖీలు చేపట్టారు.ఢిల్లీలోని మొత్తం 12 స్కూల్స్‌కు ఈ బాంబు బెదిరింపు ఈ మెయిల్స్‌ వచ్చాయి. మదర్‌ మేరీ స్కూల్‌, ఢిల్లీ పబ్లిక్‌ స్కూల్‌, సంస్కృతి స్కూల్‌కి బాంబు బెదిరింపు ఈ మెయిల్స్‌ వచ్చాయి. స్కూల్స్‌ను ఖాళీ చేయించి తనిఖీలు చేస్తున్నాయి బాంబ్ స్క్వాడ్స్‌. స్కూల్స్‌ నుంచి విద్యార్థులను తల్లిదండ్రులు తీసుకెళ్లారు. ఒకే ఐపీ నుంచి బాంబు బెదిరింపు ఈ మెయిల్స్‌ వచ్చినట్టు గుర్తించారు పోలీసులు.