చేయి అందించడం కోసమే ‘సగిలేటికథ’ను ప్రెజెంట్ చేశా: నవదీప్

రవి మహాదాస్యం, విషిక లక్ష్మణ్‌ జంటగా నటిస్తున్న చిత్రం ‘సగిలేటి కథ’. రాయలసీమ పల్లెటూరి నేపథ్యంలో సాగే ఈ చిత్రానికి రాజశేఖర్‌ సుద్మూన్‌ దర్శకత్వం వహించారు. హీరో నవదీప్‌ సి-స్పేస్ సమర్పణలో, షేడ్‌ ఎంటర్టైన్మెంట్‌, అశోక్‌ ఆర్ట్స్‌ బ్యానర్‌లో దేవీప్రసాద్‌ బలివాడ, అశోక్‌ మిట్టపల్లి సంయుక్తంగా నిర్మించారు. ఇప్పటికే రిలీజ్ అయ్యిన ట్రైలర్, సాంగ్స్ కి ప్రేక్షకుల నుండి అశేష ఆధరణ లభించింది. ఈ బుధవారం హీరో నవదీప్ ఆధ్వర్యంలో ‘ప్రీమియర్ షో’ సక్సెస్ ఫుల్‌గా తెలుగు ఫిల్మ్ జర్నలిస్ట్‌ల మధ్య సందడిగా ఈవెంట్ సాగింది.

ఈ చిత్రం ‘ప్రీమియర్ షో’ తరువాత చిత్ర యూనిట్… హీరో నవదీప్(ప్రెజెంట్స్) మాట్లాడుతూ: ‘‘ప్రతి ఒక్కరి జీవితంలో లైఫ్ జర్నీ అనేది సాఫీగా సాగదు. ప్రతి వ్యక్తి కింద నుంచి పైకి రావాలిసిందే. అలా పైకి వెళ్లిన వ్యక్తులు, కింద నుంచి పైకి రావాలి అనుకునే వాళ్ళని చెయ్యి అందిందామని ఆలోచనతో తీసుకున్న ఈ నిర్ణయమే ‘సగిలేటి కథ’ సినిమా. టీమ్ అందరు చాలా కసి గా పని చేసారు. చాలా టాలెంట్ ఉన్న టీం మా చిత్రం తో పరిచయమైనందుకు నాకు చాలా కిక్ ని ఇచ్చింది. ఈ సినిమా ప్రతి ఒక్కరికి నచ్చుతుందని నమ్ముతున్నాను థ్యాంక్ యూ’’ అని అన్నారు.

డైరెక్టర్ రాజశేఖర్ సుద్మూన్ మాట్లాడుతూ.. ‘‘నేను తొమ్మిది సంవత్సరాలు నుంచి సినిమా ఫీల్డ్ లో ఉన్నాను. కేరీర్ మొదట్లో సినిమాకి వెళ్తాను అని తోటి వ్యక్తులకి చెప్పగానే, అడ్రస్ లేకుండా పోతావ్ అన్నారు. ఇప్పుడు చెప్తున్నాను, నా అడ్రస్ సి స్పెస్, పిన్ కోడ్ నవదీప్. ఈ సినిమా ఈ రేంజ్ కి రావడం కేవలం నవదీప్. నేను చేసిన ఈ సినిమా జర్నీ మొత్తం లో మొదటి నుంచి నాకు సపోర్ట్ గా నిలిచిన వ్యక్తి మా హీరో రవి మహాదాస్యం. ఈ సినిమా సక్సెస్ అయ్యితే ఫిఫ్టీ పర్సెంట్ క్రెడిట్ మా హీరో కి దక్కుతుంది. ఫెయిల్ అయ్యితే, అది నాకు దక్కుతుంది’’ అని అన్నారు.

ప్రొడ్యూజర్ దేవీప్రసాద్ మాట్లాడుతూ: ‘‘మా చిత్రం ‘చిన్న మూవీ’ అనే పిలుపు తో స్టార్ట్ అయ్యి, ‘పెద్ద మూవీ’ అని గర్వంగా చెప్పుకునే విధంగా చేసింది. ఒకే ఒక వ్యక్తి, సి స్పెస్ ఫౌండర్ హీరో నవదీప్. మా సినిమా ఎండింగ్ లో పార్ట్ 2 అని పెట్టడానికి కారణం, సినిమా హిట్ అని బలంగా నమ్మడం. రాయలసీమ బ్యాక్డ్రాప్ లో తీసిన ఈ సినిమా ప్రతి ఒక్కరికి నచ్చుతుందని ఆశిస్తున్నాను.’’ అని అన్నారు.

హీరో రవి మహాదాస్యం మాట్లాడుతూ ‘‘సినిమా మొదలు పెట్టిన రోజు నుంచి ఇప్పటి వరుకు నేను వింటున్న విషయం కొత్త…కొత్త…అవ్వును!! మేమందరం కొత్త కావచ్చు. కానీ, కొత్త కంటెంట్ తో వస్తున్నాం. మా సినిమా కంటెంట్ ప్రతి ఒక్కరికి నచ్చుతుందని బలంగా నమ్ముతున్నాను. ఇకపోతే, ఈ సినిమాకి ప్రధాన బలం ‘నవదీప్’ గారు ఆయనికి నేను రుణపడి ఉంటాను. ఈ సినిమా రాయలసీమ బ్యాక్డ్రాప్ లో అన్ని రకాల ఎమోషన్స్ ని పండించాం. ఇంటర్వెల్ లో చాల మంది తెలుగు జర్నలిస్ట్ లు పాజిటివ్ రెస్పాన్స్ ఇచ్చారు. ప్రతి ప్రేక్షకుడికి నచ్చుతుందని మా టీం నమ్మకం.’’ అని అన్నారు.

హీరోయిన్ విషిక లక్ష్మణ్ మాట్లాడుతూ ‘‘నాకు చాలా హ్యాపీ గా ఉంది, ఈ సినిమా లో యాక్ట్ చేయడం. రియల్ లైఫ్ లో నేను చేసిన కృష్ణమ్మా క్యారెక్టర్ చాలా దగ్గర గా ఉంటుంది. మా సినిమా ఈ స్థాయిలో రావడానికి ముఖ్య కారణం నవదీప్ గారు. అలాగే, నాకు ఈ క్యారెక్టర్ ఇచ్చిన డైరెక్టర్ కి నా కృతజ్ఞతలు.’’ అని అన్నారు.

ప్రొడ్యూజర్ అశోక్ మాట్లాడుతూ ‘‘ఈ సినిమా ప్రతి ఒక్కరికి నచ్చుతుందని కోరుకుంటున్నాను. ఎవ్వరికైనా మా సినిమా నచ్చితే, మీ ఫ్రెండ్స్ కి ఫ్యామిలీ కి చెప్పండి అలా అందరికి సర్క్యులేట్ చేయండి. ఆ విధంగా ఒక మంచి సినిమా ప్రేక్షకుడికి చేరుతుందని అనుకుంటున్నాను.’’ అని అన్నారు.

నటీనటులు: రవి మహాదాస్యం, విషిక లక్ష్మణ్, నరసింహా ప్రసాద్ పంతగాని
రచన, దర్శకత్వం, సినిమాటోగ్రఫీ, ఎడిటింగ్: రాజశేఖర్ సుడ్మూన్
కో-రైటర్: శశికాంత్ బిల్లపాటి, మని ప్రసాద్ అరకుల
నిర్మాతలు: అశోక్ మిట్టపల్లి, దేవీప్రసాద్ బలివాడ
ఇన్ అసోసియేషన్ విత్: సి స్పెస్
ఎగ్జిక్యూటివ్ ప్రొడ్యూసర్: నరేష్ మాదినేని
అసోసియేట్ ప్రొడ్యూసర్: పుష్పాభాస్కర్, సునీల్ కుమార్ ఆనందన్, లీలా కృష్ణ కొండేపాటిh
సంగీతం: జశ్వంత్ పసుపులేటి
నేపథ్యసంగీతం: సనల్ వాసుదేవ్
సింగర్స్: కీర్తన శేష్, కనకవ్వ
సాహిత్యం: వరికుప్పల యాదగిరి, పవన్ కుందాని, రాజశేఖర్ సుడ్మూన్, శశికాంత్ బిల్లపాటి, జశ్వంత్ పసుపులేటి
పి.ఆర్.ఓ: తిరుమలశెట్టి వెంకటేష్
ఆర్ట్ డైరెక్టర్స్: హేమంత్ జి, ఐశ్వర్య కులకర్ణి
కాస్ట్యూమ్ డిజైనర్: హర్షాంజలి శేనికేషి
సౌండ్ డిజైనర్: యతి రాజు
సౌండ్ మిక్సింగ్: శ్యామల సిక్దర్
డి.ఐ: కొందూరు దీపక్ రాజు
పబ్లిసిటీ డిజైనర్: యమ్.కే.యస్ మనోజ్