స్వతంత్ర వెబ్ డెస్క్: ఒక్క ట్వీట్ వంద కోట్ల వ్యూస్‌ని తెచ్చి పెట్టింది. అవును మీరు చదివింది నిజమే.. ఒక ఫోటోకి వేలల్లో వ్యూస్ రావడానికి ఎంతో కష్టపడుతుంటారు.. అలాంటిది ఒక ట్వీట్‌కి మాత్రం వంద కోట్ల వ్యూస్ రావడం మాములు విషయం కాదు. అందులో ఈ ట్వీట్ చేసింది సెలబ్రిటీ కూడా కాదు. మరి ఇన్ని వ్యూస్ ఎలా వచ్చాయి.. అసలు ఆ ట్వీట్ ఏంటో తెలుసుకోవాలంటే.. ఒక్కసారి ఈ స్టోరీ చదవండి.
ఆమె చేసిన ట్వీట్‌కి భూమ్మీద ఉన్న జనాభాలో ప్రతి ఏడుగురిలో ఒకరు ఈ ట్వీట్‌ను చూడడంతో ట్విట్టర్‌లోనే ఇది కొత్త చరిత్రను సృష్టించింది. ఇంతకీ ఆ ట్వీట్ ఏంటో తెలుసా? ‘గూగుల్‌లో చూడకుండా ఒక ప్రసిద్ధ చారిత్రక యుద్ధం పేరు చెప్పండి’. ఈ ట్వీట్ ప్రపంచాన్ని విపరీతంగా ఆకర్షించింది. నెల రోజుల్లోనే 100 కోట్ల వీక్షణలు సొంతం చేసుకున్న ఆ ట్వీట్ చేసిన ఖాతాకు ఉన్న ఫాలోవర్ల సంఖ్య కేవలం 11 వేలే కావడం మరో విశేషం. ఈ ట్వీట్ 100 బిలియన్ వ్యూస్ సొంతం చేసుకోవడంతో దాని పోస్టు చేసిన సారా బెల్లమ్ అనే యూజర్ ‘గుడ్ షాంపేన్‌తో పండుగ చేసుకున్నారు.
అయితే ఇది ఎలా సాధ్యమైందని షాకవుతుంటే.. మరికొంతమంది ట్విట్టర్ మెట్రిక్‌పై అనుమానం వ్యక్తం చేస్తున్నారు. ఏది ఏమైనా ఈ ట్వీట్ ఇప్పుడు సంచలనాలు సృష్టిస్తోంది. దీనిని 2,127 మంది రీట్వీట్ చేయగా, 85.5 వేల కోట్స్, 18.9 వేల లైకులు, 10.5 బుక్‌మార్క్స్ సొంతం చేసుకుంది.