స్టార్‌లింక్‌ ఆంక్షలపై జెలెన్‌స్కీ ఫైర్‌

ఉక్రెయిన్‌- రష్యా యుద్ధాన్ని ముగించేందుకు అమెరికా ప్రయత్నాలు చేస్తున్న వేళ, స్టార్‌లింక్‌ ఇంటర్నెట్ సేవలపై మరోసారి చర్చ మొదలైంది. ఆ సేవలపై వేగ పరిమితులు ఇంకా కొనసాగుతున్నాయని ఉక్రెయిన్‌ అధ్యక్షుడు జెలెన్‌స్కీ చేసిన వ్యాఖ్యలు ప్రాధాన్యం సంతరించుకున్నాయి. పరిమితుల వల్ల యుద్ధంలో తమకు ఇబ్బందులు పెరుగుతున్నాయని ఆయన తెలిపారు.
స్టార్‌లింక్‌, స్టార్‌షీల్డ్‌ సేవలపై వేగ పరిమితులు ఇంకా కొనసాగుతున్నాయని జెలెన్‌స్కీ తెలిపారు. ఈ సేవల వేగాన్ని పూర్తిగా పునరుద్ధరించలేదని స్పష్టం చేశారు. రష్యా దాడులను ఎదుర్కొంటూ తమ సైన్యం ముందువరుసలో నిలబడుతోందని తెలిపారు. తమ సైనికులు ధైర్యంగా పోరాడుతున్నారని ప్రశంసించారు. పరిస్థితులు కష్టంగా ఉన్నప్పటికీ రక్షణ చర్యలను కొనసాగిస్తున్నట్లు వెల్లడించారు.