ఎల్బీ నగర్‌ లో విషాదం.. రెండేళ్ల చిన్నారి మృతి

స్వతంత్ర, వెబ్ డెస్క్: హైదరాబాద్‌ ఎల్బీ నగర్‌ లో విషాదం నెలకొంది. కారుప్రమాదంలో రెండేళ్ల చిన్నారి మృతి చెందింది. పూర్తి వివరాల్లోకి వెళ్తే.. మన్సూరాబాద్‌-ఎల్బీనగర్‌ మార్గంలో రోడ్డుపై కారు ఆపిన డ్రైవర్ హఠాత్తుగా కారు డోర్‌ తీశాడు. ఈ క్రమంలో అటుగా వచ్చిన బైక్‌కు కారు డోర్‌ తగిలింది. దీంతో దంపతులు సహా రెండేళ్ల చిన్నారి బైక్‌పై నుండి కింద పడిపోయారు. ఈ ప్రమాదంలో చిన్నారి ధనలక్ష్మి (2) అక్కడికక్కడే మృతి చెందింది. పాప తల్లిదండ్రులు స్వల్ప గాయాలతో బయటపడగా.. వారిని వెంటనే ఆసుపత్రికి తరలించారు. విషయం తెలుసుకున్న పోలీసులు.. పరిస్థితిని సమీక్షించి కేసు నమోదు చేసి దర్యాప్తు చేపట్టారు.