ఇండియన్ మైఖేల్ జాక్సన్ ప్రభుదేవా, రాయ్ లక్ష్మీ, అనసూయ భరద్వాజ్ ప్రధాన పాత్రల్లో సందేశ్ నాగరాజు, సందేశ్ ఎన్ నిర్మాతలుగా, బృందా జయరామ్ సహ నిర్మాతగా ‘వూల్ఫ్’ అనే చిత్రాన్ని నిర్మించారు. ఈ మూవీకి వినూ వెంకటేష్ దర్శకత్వం వహించారు. ప్రభుదేవా కెరీర్లో 60వ సినిమా వూల్ఫ్ రాబోతోంది. తమిళ, తెలుగు, కన్నడ , హిందీ భాషల్లో తెరకెక్కనున్న ఈ మూవీ టీజర్ను తాజాగా రిలీజ్ చేశారు.
వూల్ఫ్ టీజర్ను గమనిస్తుంటే కొత్త ప్రపంచానికి తీసుకెళ్లినట్టుగా అనిపిస్తోంది. అనసూయ, ప్రభుదేవా సరికొత్త లుక్కులో కనిపించారు. 69 సెకన్ల నిడివి ఉన్న ఈ టీజర్లో విజువల్స్ అద్భుతంగా ఉన్నాయి. బ్యాక్ గ్రౌండ్ స్కోర్ నెక్ట్స్ లెవెల్లో ఉంది. ఇక ప్రభుదేవా యాక్షన్ సీక్వెన్స్లు, అనసూయ గెటప్ ఈ సినిమా మీద మరింతగా ఆసక్తిని పెంచేస్తున్నాయి.
వశిష్ట ఎన్ సింహా, అంజు కురియన్, రమేష్ తిలక్, లొల్లు సభా స్వామినాథన్, దీప, శ్రీ గోపిక, అవినాష్, సుజాతలు నటించిన ఈ మూవీకి అరుల్ విన్సెంట్ కెమెరామెన్గా, అమ్రిష్ సంగీత దర్శకుడిగా, లారెన్స్ కిషోర్ ఎడిటర్గా పని చేస్తున్నారు.
నటీనటులు : ప్రభుదేవా, రాయ్ లక్ష్మీ, అనసూయ భరద్వాజ్, వశిష్ట ఎన్ సింహా, అంజు కురియన్, రమేష్ తిలక్, లొల్లు సభా స్వామినాథన్, దీప, శ్రీ గోపిక, అవినాష్, సుజాత తదితరులు
సాంకేతిక బృందం:
నిర్మాత : సందేశ్ నాగరాజు, సందేశ్ ఎన్
సహ నిర్మాత : బృందా జయరామ్
దర్శకుడు : వినూ వెంకటేష్
సంగీత దర్శకుడు : అమ్రిష్
ఎడిటర్ : లారెన్స్ కిషోర్
కెమెరామెన్ : అరుల్ విన్సెంట్
పీఆర్వో : సాయి సతీష్
