స్వతంత్ర, వెబ్ డెస్క్: హైదరాబాద్ బేగంపేట్ రైల్వే స్టేషన్లో ప్రమాదంలో ఉన్న యువతిని ఆర్పీఎఫ్ కానిస్టేబుల్ సనిత కాపాడారు. ఫలక్ నామా – లింగంపల్లి ఎంఎంటీఎస్ ట్రైన్ కదులుతున్న సమయంలో ఎక్కేందుకు ప్రయత్నిస్తున్న యువతిని పక్కకి లాగి రైల్వే పోలీస్ సనిత ప్రమాదం నుంచి తప్పించారు. బేగం పేట్ రైల్వే స్టేషన్లో నిన్న ఉదయం జరిగిన ఈ ఘటన కాస్త ఆలస్యంగా వెలుగులోకి వచ్చింది. నల్గొండ జిల్లాకు చెందిన సనిత 2020 రైల్వే ఆర్పీఎఫ్ లో చేరారు. గతంలో కూడా బేగం పేట్ రైల్వే స్టేషన్ లో ప్రయాణికులు మర్చిపోయిన లగేజ్ ని తిరిగి ఇవ్వడం లాంటి పనులు చేశారు. అత్యవసర సమయాల్లో అలెర్ట్ గా ఉండి ప్యాసింజర్ ప్రాణాలు కాపాడిన రైల్వే పోలీస్ సనితను దక్షిణ మధ్య రైల్వే జీ ఎం అరుణ్ కుమార్ జైన్ అభినందించారు.