Manchu Manoj |సినీ హీరో మంచు మనోజ్ గురించి మరో ఇంట్రెస్టింగ్ వార్త చక్కర్లు కొడుతోంది. త్వరలోనే మనోజ్ మళ్లీ పెళ్లి చేసుకోబోతున్నాడని ఫిల్మ్ నగర్ టాక్. దివంగత నేత భూమా నాగిరెడ్డి చిన్న కుమార్తె భూమా మౌనికరెడ్డితో ఆయన వివాహం జరగనుందని తెలుస్తోంది. కొన్నిరోజులుగా మనోజ్, మౌనిక ప్రేమలో ఉన్నట్లు సమాచారం. ఆ వార్తలకు బలం చేకూర్చేలా రెండు, మూడు సార్లు ఇద్దరు కలిసి బయట కనపడ్డారు.
ఇండస్ట్రీ వర్గాల సమాచారం ప్రకారం మార్చి 3వ తేదీన వీరి పెళ్లి జరగనుందట. ఇప్పటికే ఇరు కుటుంబాలు పెళ్లికి సంబంధించిన ఏర్పాట్లలో నిమగ్నమయ్యారని చెబుతున్నారు. మనోజ్(Manchu Manoj) కు ఇది వరకే ప్రణతి అనే యువతితో పెళ్లి అయింది. అయితే కొన్ని వ్యక్తిగత కారణాల వల్ల విడాకులు తీసుకున్నారు. అలాగే మౌనికరెడ్డి కూడా తన మొదటి భర్తకు విడాకులు ఇచ్చింది. వీరిద్దరికి గతంలోనే పరిచయం ఉండడంతో ఆ పరిచయం కాస్తా ప్రేమకు దారి తీసింది.
