‘హుషారు, సినిమా చూపిస్త మావ, మేం వయసుకు వచ్చాం, ప్రేమ ఇష్క్ కాదల్, పాగల్’ వంటి యూత్ ఫుల్ చిత్రాలను నిర్మించిన ప్రముఖ నిర్మాత, లక్కీ మీడియా అధినేత బెక్కెం వేణుగోపాల్.. సృజన్‌ కుమార్ బొజ్జంతో కలిసి నిర్మించిన చిత్రం ‘రోటి కపడా రొమాన్స్’. హర్ష నర్రా, సందీప్ సరోజ్, తరుణ్, సుప్రజ్ రంగా, సోనూ ఠాకూర్, నువ్వేక్ష, మేఘలేఖ, ఖుష్బూ చౌదరి హీరో హీరోయిన్లుగా నటిస్తున్న ఈ చిత్రానికి విక్రమ్ రెడ్డి దర్శకుడు. తొలుత ఈ చిత్రాన్ని నవంబరు 22న విడుదల చేయడానికి అన్ని సన్నాహాలు చేసుకున్నారు మేకర్స్‌. అయితే ఓ మంచి చిత్రాన్ని అందరూ థియేటర్స్‌లో ఎంజాయ్‌ చేయాలనే సంకల్పంతో, థియేటర్స్‌ దొరకని కారణంగా ఈ నెల 28కి వాయిదా వేశారు నిర్మాతలు.
నిర్మాత బెక్కం వేణుగోపాల్ మాట్లాడుతూ ”థియేటర్లు దొరక్కపోవడంతో సినిమాను వాయిదా వేశామని, అయితే తెలుగు రాష్ట్రాల్లోని ముఖ్యమైన నగరాల్లో ఈ వారం పెయిడ్‌ ప్రీమియర్స్‌ ప్లాన్‌ చేస్తున్నామని చెప్పారు. ఇటీవల కొంత మంది ప్రేక్షకులకు, యూత్‌కు సినిమాను ప్రదర్శించామని, అందరికి నుంచి చాలా మంచి స్పందన వస్తోందని చెప్పారు. 2024లో విడుదలైన చిత్రాల్లో ఉత్తమ ఫీల్‌గుడ్‌ లవ్‌స్టోరీగా నిలుస్తుందనటంలో ఎటువంటి సందేహం లేదని ధీమా వ్యక్తం చేశారు.