గవర్నర్‌‌కి తప్పని ట్రాఫిక్ ఇక్కట్లు..

స్వతంత్ర వెబ్ డెస్క్: తెలంగాణ గవర్నర్ తమిళసైకీ ట్రాఫిక్ సమస్యలు తప్పలేదు. గవర్నర్​ ప్రయాణిస్తున్న వాహనం హెవీ ట్రాఫిక్​లో నిలిచిపోయింది. సోమవారం సాయంత్రం గవర్నర్ ఖైరతాబాద్‌లోని హనుమాన్ ఆలయానికి వచ్చిన సందర్భంగా ఆమె కాన్వాయ్ కాసేపు ట్రాఫిక్‌లో చిక్కుకుపోవాల్సి వచ్చింది. ఖైరతాబాద్​ హనుమాన్​ టెంపుల్​కు వచ్చిన గవర్నర్​ తిరుగు ప్రయాణంలో రాజ్​భవన్​ వెళ్తుండగా ఈ ఘటన చోటుచేసుకుంది. సోమాజిగూడ వద్ద యూటర్న్ తీసుకునే సమయంలో కాన్వాయ్ నిలిచిపోయింది. ఎర్రమంజిల్ నుంచి ఖైరతాబాద్ వెళ్లే మార్గంలో వాహనాల రద్దీ ఎక్కువగా ఉండటంతో వెంటనే కాన్వాయ్‌కు యూటర్న్ తీసుకోవడం కుదరలేదు. ఖైరతాబాద్​, ఎర్రమంజిల్​ మార్గంలో పెద్ద ఎత్తున ట్రాఫిక్​ నిలిచిపోయింది. ట్రాఫిక్​ పోలీసుల సమన్వయంతోనే ఇట్లా జరిగిందని తెలుస్తోంది. కాగా, గవర్నర్​ భద్రతా సిబ్బంది ట్రాఫిక్​ని కంట్రోల్​ చేసే పనిలో నిమగ్నమయ్యారు. యూటర్న్ వద్ద వాహనాలను కొద్దిసేపు నిలిపివేయడంతో కాన్వాయ్ ముందుకు కదిలింది.