ప్రముఖ సినీ కెమెరామెన్ ఇఫ్తేఖార్ హైదరాబాద్‌లోని ఫలక్‌నుమా ప్యాలెస్ దగ్గర ‘డీపీఎస్ ప్రొడక్షన్స్’ పేరుతో డబ్బింగ్ స్టూడియోను ప్రారంభించారు. ఈ కార్యక్రమంలో బలగం ఫేం సంజయ్, పీఆర్వో వీరబాబు పాల్గొని ఆఫీస్‌ని లాంఛనంగా ప్రారంభించారు.
ఈ సందర్భంగా ఇఫ్తేఖార్ మాట్లాడుతూ ‘‘సంగీత ప్రపంచం వేగంగా మారుతున్న ఈ రోజుల్లో నేటి కళాకారుల అభిరుచులకు తగ్గట్టు మా డబ్బింగ్ స్టూడియోని సరికొత్త టెక్నాలజీతో రూపొందించాము. తక్కువ ఖర్చుతో సినిమా, రియల్ ఎస్టేట్, ప్రైవేట్ ఆల్బమ్స్, రకరకాలైన కమర్షియల్ యాడ్స్‌కు వాయిస్‌లు ఏర్పాటు చేయడం మా స్టూడియో ముఖ్య ఉద్దేశం. అలాగే కొత్త తరహా ఫోటోగ్రఫీతో యువతీయువకులను సరికొత్తగా తీర్చిదిద్దటం మా ప్రధాన ఉద్దేశ్యం. మా ఈ కార్యక్రమాన్ని ప్రారంభించిన ప్రముఖ నటులు సంజయ్ గారికి, పీఆర్వో వీరబాబు గారికి, హైదరాబాద్ ఫోటో&వీడియో అసోసియేషన్ సభ్యులకు స్పెషల్ థాంక్స్’’ అని అన్నారు.