శంషాబాద్‌ సమీపంలో అక్రమ మైనింగ్ పై హైడ్రా కొరడా

రంగారెడ్డి జిల్లా శంషాబాద్‌ సమీపంలో అక్రమ మైనింగ్‌పై హైడ్రా అధికారులు కఠిన చర్యలు చేపట్టారు. కొత్వాల్‌ గూడ, వట్టి నాగులపల్లి, గౌలిదొడ్డి ప్రాంతాల్లో అనుమతులు లేకుండా మైనింగ్, స్టోన్ క్రషింగ్, RMC యూనిట్లు నిర్వహిస్తున్నట్లు గుర్తించారు. దీంతో హైడ్రా 6 క్రషింగ్ యూనిట్లు, 12 RMC ప్లాంట్లను తొలగించింది. మొత్తం 6 చోట్ల కూల్చివేతలు నిర్వహించింది. పొల్యూషన్ కంట్రోల్ బోర్డ్ అనుమతులు లేకుండా క్వారీలు తవ్వకం జరుగుతున్నట్టు నిర్ధారించారు. రంగారెడ్డి జిల్లా కలెక్టర్ ఫిర్యాదు మేరకు ఈ చర్యలు తీసుకున్నట్టు అధికారులు తెలిపారు.