అయోధ్యలోని రామాలయంలో రామ్‌ ఘాట్‌లోని తులసిబారి వద్ద అత్యంత భారీ దీపం వెలిగించనున్నారు. ఈ దీపం పేరు దశరథ్ దీపం . దీపం తయారీలో చార్‌ధామ్‌తోపాటు పలు పుణ్యక్షేత్రాలలోని మట్టి, నదులు, సముద్ర జలాల వినియోగించారు. త్రేతాయుగంనాటి దీపం ఆకారాన్ని కంటోన్మెంట్‌కు చెందిన స్వామి పరమహంస సిద్ధం చేస్తున్నారు. ఈ దీప నిర్మాణానికి 7.5 కోట్ల వ్యయం చేశారు.
అయోధ్యలోని నూతన రామాలయంలో జనవరి 22న బాలరాముని ప్రాణప్రతిష్ఠ కార్యక్రమం జరగనుంది. ఇక అదే రోజున ఇక్కడి రామ్‌ఘాట్‌లోని తులసిబారి వద్ద అత్యంత భారీ దీపాన్ని వెలిగించనున్నారు. 28 మీటర్ల వ్యాసం కలిగిన ఈ దీపాన్ని వెలిగించడానికి 21 క్వింటాళ్ల నూనె పడుతుంది. గిన్నిస్ బుక్ ఆఫ్ వరల్డ్ రికార్డ్స్‌లో ఈ దీపం ఘనతను నమోదు చేసేందుకు సన్నాహాలు జరుగుతున్నాయి.
తులసిబారి దగ్గర వెలిగించనున్న ఈ దీపం పేరు దశరథ్ దీప్. ఈ దీపం తయారీలో చార్‌ధామ్‌తో పాటు పలు పుణ్య క్షేత్రాలలోని మట్టి, నదులు, సముద్ర జలాలను వినియోగిస్తున్నారు. తపస్వి కంటోన్మెంట్‌కు చెందిన స్వామి పరమ హంస పలు గ్రంథాలు, పురాణాలను అధ్యయనం చేసి, త్రేతాయుగంనాటి దీపం ఆకారాన్ని సిద్ధం చేస్తున్నారు. ఈ దీపం తయారీకి 108 మందితో కూడిన బృందాన్ని ఏర్పాటు చేశారు. ఈ దీపం తయారీకి ఏడున్నర కోట్ల రూపాయలు వెచ్చిస్తు న్నారు. 1.25 క్వింటాళ్ల పత్తితో ఈ దీపానికి వినియోగించే వత్తిని సిద్ధం చేస్తున్నారు.