స్వతంత్ర, వెబ్ డెస్క్: కాంగ్రెస్ అగ్రనేత రాహుల్ గాంధీ అమెరికా పర్యటనలో ఉన్న సంగతి తెలిసిందే. ఈ పర్యటనలో భాగంగా ఆయన ప్రవాస భారతీయులతో కలిసి సమావేశాలు నిర్వహిస్తున్నారు. ఈ క్రమంలో ఆయన వాషింగ్టన్ డీసీ నుంచి న్యూయార్క్ దాకా ఓ ట్రక్కులో ప్రయాణించారు. ఇందుకు సంబంధించిన వీడియోను రాహుల్ తన యూట్యూబ్ ఛానల్లో పోస్టు చేశారు. ఈ వీడియోలో ట్రక్కు డ్రైవర్లు ఎలా పని చేస్తారు? ట్రక్కు ఫీచర్లు ఏమిటి? వారికి చలాన్లు పడతాయా? డ్రైవర్లు ఎంత ఆదాయం సంపాదిస్తారు? వంటి విషయాలను అడిగి తెలుసుకున్నారు. నెలకు రూ.8లక్షల దాకా సంపాదిస్తామని డ్రైవర్ చెప్పడంతో రాహుల్ ఆశ్చర్యపోయారు. ఈ వీడియోను 2.25 లక్షల మందికి పైగా చూడగా.. 36 వేల మంది లైక్ చేశారు. కాగా గత నెలలో ఢిల్లీ నుంచి చండీగఢ్కు కూడా ఓ లారీలో ప్రయాణించిన సంగతి తెలిసిందే.