సంగారెడ్డి జిల్లా అమీన్ పూర్ పెద్ద చెరువు సమీపంలో పెద్ద చెరువు దగ్గర నిబంధనలకు విరుద్ధంగా నిర్మించిన ఫెన్సింగ్ ను హైడ్రా అధికారులు కూల్చివేశారు. పద్మావతి నగర్ సిటిజన్ వెల్ఫేయిర్ అసోసియేషన్ కు చెందిన సర్వే నెంబర్ 193, 194, 323 లకు చెందిన 24 ఎకరాల స్థలం వద్ద ప్రహరీ గోడను హైడ్రా అధికారులు గతంలో కూల్చివేశారు. అనంతరం అక్రమార్కులు మళ్లీ ప్రహారీ గోడా నిర్మించారు.
మాజీ ఎమ్మెల్యే కాటసాని రాంభూపాల్ రెడ్డి, శిస్ల రమేష్, రోహిత్ పుల్లారెడ్డిలు… కూల్చివేసిన ప్రహరీ గోడను తిరిగి నిర్మించారని అసోసియేషన్ వాసులు ఆరోపించారు. ఈ విషయాన్ని హైడ్రా దృష్టికి తీసుకెళ్లి కంప్లైట్ ఇవ్వడంతో అధికారులు విచారణ చేపట్టి చర్యలు చేపట్టారు. ప్రహరిగొడను కూల్చి వేశారు. హైడ్రా అధికారుల చర్యలను అసోసియేషన్ సభ్యులు హర్షం వ్యక్తం చేశారు. గతంలో అధికారులు కూల్చిన గోడను తిరిగి నిర్మించడంతో తమకు సంబంధించిన ప్లాట్లను చేరుకోవడం ఇబ్బంది మారిందని బాధితులు తెలిపారు.