26.2 C
Hyderabad
Sunday, November 30, 2025
spot_img

తాను చైనాతో చర్చలకు సిద్ధం: దలైలామా

స్వతంత్ర వెబ్ డెస్క్: చైనా తనతో మాట్లాడాలనుకుంటుందని టిబెటన్ ఆధ్యాత్మిక గురువు దలైలామా తెలిపారు. టిబెటన్ ప్రజల బలమైన స్ఫూర్తిని గ్రహించిన చైనా తనను సంప్రదించడానికి ప్రయత్నిస్తోందని అన్నారు. తాను చైనాతో చర్చలకు సిద్ధమని అయితే టిబెట్‌ స్వాతంత్య్రం కోరుకోవడం లేదని దలైలామా తేల్చిచెప్పారు. తన 88వ పుట్టినరోజు జరుపుకున్న రెండు రోజుల తర్వాత ఆయన ఈ వ్యాఖ్యలు చేశారు. హిమాచల్ ప్రదేశ్‌లోని ధర్మశాలలో ఆయన విలేకరులతో మాట్లాడారు. చైనా తనతో చర్చించాలనుకుంటే తాను ఎప్పుడు సిద్దమే అని దలైలామా చెప్పారు. తాను ఎల్లప్పుడూ టిబెటన్‌ ప్రజల తరపున మాట్లాడటానికి సిద్ధంగా ఉంటానని.. టిబెటన్ ప్రజల ఆత్మ చాలా బలంగా ఉందని, ఇప్పుడు చైనా కూడా గ్రహించింది కాబట్టే టిబెటన్ సమస్యలను ఎదుర్కోవటానికి, చైనా వారు తనను సంప్రదించాలనుకుంటున్నారని దలైలామా అన్నారు. చైనాతో చర్చలకు తాను కూడా సిద్ధంగా ఉన్నానని తెలిపారు. తాము స్వాతంత్రం కోరుకోవడం లేదని, పీపుల్స్ రిపబ్లిక్ ఆఫ్ చైనాలో భాగంగానే ఉండాలని చాలా ఏళ్ల క్రితమే నిర్ణయించుకున్నామన్నారు. కానీ ఇప్పుడు చైనా మారుతోందన్నారు.

అధికారికంగానో లేదా అనధికారికంగానో చైనీయులు తనను సంప్రదించాలనుకుంటున్నారన్నారు. తనకు ఎవరిపైనా కోపం లేదని, టిబెట్ పట్ల కఠిన వైఖరిగల చైనా నేతలపై కూడా తనకు కోపం లేదని చెప్పారు. నిజానికి చారిత్రకంగా చైనా బౌద్ధ దేశమని చెప్పారు. తాను చైనాలో పర్యటించినపుడు అనేక దేవాలయాలు, మఠాలను చూశానని చెప్పారు. టిబెట్ సంస్కృతి, మతానికి సంబంధించిన విజ్ఞానం వల్ల ప్రపంచం లబ్ధి పొందుతుందని చెప్పారు. అయితే తాను ఇతర మతాల సంప్రదాయాలను కూడా గౌరవిస్తానని చెప్పారు. ఎందుకంటే ప్రేమ, కారుణ్యాలను పెంచుకోవాలని ఆయా మతాలు తమ అనుచరులకు చెప్తున్నాయన్నారు.

Latest Articles

‘టిఎస్ఆర్ మూవీ మేకర్స్’ ప్రొడక్షన్ నం. 3 ఫస్ట్ షెడ్యూల్ స్టార్ట్

టిఎస్ఆర్ మూవీ మేకర్స్ బ్యానర్‌పై నిర్మితమవుతున్న ప్రొడక్షన్ నెంబర్ 3, ప్రేమ మరియు కుటుంబ బంధాలను అద్భుతంగా ఆవిష్కరించే ఒక హృదయస్పర్శి చిత్రంగా రూపొందుతోంది. ఈ చిత్రాన్ని ప్రముఖ నిర్మాత తిరుపతి శ్రీనివాసరావు...
- Advertisement -

LEAVE A REPLY

Please enter your comment!
Please enter your name here

Stay Connected

2,000FansLike
1,000FollowersFollow
291FollowersFollow
150,000SubscribersSubscribe
- Advertisement -

Latest Articles

ఆంధ్ర ప్రదేశ్

తెలంగాణ

జాతీయం

అంతర్జాతీయం

ఎంటర్టైన్మెంట్