సీరియల్​ సెట్​లో భారీ అగ్నిప్రమాదం

ముంబయిలోని గోరేగావ్​ ఫిల్మ్​ సిటీలోని సీరియల్​ సెట్​లో భారీ అగ్నిప్రమాదం జరిగింది. షూటింగ్ జరుగుతున్న 2 వేల చదరపు అడుగులు ఉన్న గ్రౌండ్​ ఫ్లోర్​​ స్టూడియోలో మంటలు చెలరేగాయి. భారీగా మంటల ధాటికి చుట్టపక్కల ప్రాంతాలలో దట్టమైన పొగ అలుముకుంది. దీంతో వెంటనే అగ్నిమాపక సిబ్బందికి సమాచారం అందించగా.. హుటాహుటిన అగ్నిమాపక సిబ్బంది ఘటనా స్థలానికి చేరుకొని మంటలను ఆర్పివేశారు . కాగా, ఈ ప్రమాదంలో ఎలాంటి ప్రాణనష్టం జరగలేదని బృహన్ ముంబయి మున్సిపల్ కార్పొరేషన్‌ తెలిపింది. ముంబయి గోరేగావ్​ ఫిల్మ్​ సిటీలో “గమ్ హై కిసికే ప్యార్ మే” అనే టీవీ సీరియల్ షూటింగ్​ జరుగుతోండగా శుక్రవారం సాయంత్రం 4 గంటల సమయంలో అకస్మాత్తుగా భారీ అగ్నిప్రమాదం జరిగింది.