YS Sharmila |సిరిసిల్ల జిల్లాకు చెందిన ఆత్మహత్య చేసుకున్న నవీన్ కుటుంబాన్ని YSR తెలంగాణ పార్టీ అధ్యక్షురాలు వైఎస్ షర్మిల పరామర్శించారు. ఉద్యోగం దొరకక నవీన్ ఆత్మహత్య చేసుకోవడం చాలా బాధాకరమని తెలుపుతూ నవీన్ కుటుంబాన్ని ఓదార్చారు. నవీన్ కుటుంబం తెరాసా కార్యకర్తల కుటుంబమని తెలిసినా మానవత్వంతో పరామర్శకి వచ్చామని అన్నారు. ఇక్కడ ఏ పార్టీ కుటుంబం అనేది కాదు.. ఇక్కడ సమస్య నిరుద్యోగం. నవీన్ ఆత్మహత్య చేసుకున్నది నిరుద్యోగం తోనే అంటూ షర్మిల తెలిపారు.
అధికార బీఆర్ఎస్(BRS) పై మండిపడ్డ షర్మిల.. దేశంలో నిరుద్యోగంలో తెలంగాణ నంబర్.1 స్థానంలో ఉందని అన్నారు. ఏడాది క్రితం అసెంబ్లీలో నిలబడి 88 వేల ఉద్యోగాలు అంటూ మార్చ్ 9 న ప్రకటన చేశాడు. ఈ ప్రకటన చేసి ఏడాది దాటింది. ఏడాదిలో మొత్తం భర్తీ చేస్తామని చెప్పారు. జాబ్ క్యాలెండర్ ఇస్తాం అని చెప్పారు. ఎక్కడ మీ 88 వేల ఉద్యోగాలు అని అడుగుతున్నాం. ఏడాదిలో మీరు ఇచ్చింది 26 వేల ఉద్యోగాలు కు మాత్రమే. ఇప్పటికీ 8 వేల ఉద్యోగాలకు మాత్రమే పరీక్షలు జరిగాయి. ఇదేనా మీ 80 వేల ఉద్యోగాల భర్తీ అంటూ సీఎం కేసీఆర్ ను నిలదీశారు. ఉమ్మడి ఆంధ్ర ప్రదేశ్ లో గ్రూప్ 1 రాయొద్ధని రెచ్చగొట్టారు. మరి 8 ఏళ్లలో గ్రూప్ 1 ఒక్క ఉద్యోగం కూడా ఇవ్వ చేతకాలేదు. కేసీఅర్ ఇంట్లో మాత్రం 5 ఉద్యోగాలు వచ్చాయి. బిడ్డ ఓడిపోతే జాబ్ లేదని వెంటనే MLC జాబ్ ఇచ్చాడు. తెలంగాణ బిడ్డలు ఆత్మహత్యలు చేసుకోవాలి..కేసీఅర్ బిడ్డలు మాత్రం రాజ్యం ఏలాల అంటూ సీఎం కేసీఆర్ పై భగ్గుమన్నారు.
‘డిగ్రీలు , పీజీలు చదివి హమాలీ పని చేసుకోవాలి అంట. ఇక మంత్రి కేటీఆర్ అంటున్నారు.. కంప్యూటర్ నుంచి పేపర్ లీక్ అయితే నాకేం సంబంధం అని..TSPSC కి ట్రాన్స్పరెన్సీ ఉంది అని పచ్చి అబద్ధాలు చెప్తున్నాడు. అంగట్లో పేపర్లు అమ్మడం ట్రాన్స్పరెన్సీ నా.. 33 లక్షల మంది జీవితాలతో ఆడుకోవడం ట్రాన్స్పరెన్సీ అంటారా.. ఇద్దరికీ తెలియాల్సిన పాస్ వర్డ్ లు అందరికీ తెలియడం ట్రాన్స్పరెన్సీ అంటారా. ఐటీ శాఖ మంత్రిగా మీకు సిగ్గుండాలి. సిస్టమ్ లో సమాచారం భద్రత లేక పోతే ఐటీ శాఖ మంత్రి బాధ్యత కాదా. రెండు లక్షలు ఉద్యోగాలు ఇచ్చాం అని అబద్ధాలు చెప్తున్నారు. YSRTP డిమాండ్ చేస్తుంది.ఎక్కడ మీరు రెండు లక్షల ఉద్యోగాలు ఇచ్చారు. మీకు దమ్ముంటే 2 లక్షల ఉద్యోగాల మీద వైట్ పేపర్ రిలీజ్ చేయండి. ఇంత జరిగితే TSPSC ని కేటీఆర్ వెనుక వేసుకు వస్తున్నాడు. వెంటనే బోర్డ్ ను రద్దు చేయండి. పరీక్షలను రద్దు చేయండి. పరీక్షలను మళ్ళీ తొందరగా నిర్వహించండి. ఉద్యోగాలు వస్తే యువత ఎందుకు ఆత్మహత్యలు చేసుకుంటున్నారు..?
రాష్ట్రంలో 1.91లక్షల ఉద్యోగాలు ఖాళీగా ఉన్నాయి.ఇన్ని ఉద్యోగాలు ఖాళీగా ఉన్నా నోటిఫికేషన్ లు రావు. బంగారు తెలంగాణ లో వందల మంది నిరుద్యోగులు ఆత్మహత్యలు చేసుకుంటున్నారు. కనీసం ప్రైవేట్ సెక్టార్ లో అయినా ఉద్యోగాల కల్పన లేదు. ప్రైవేట్ ఉద్యోగాలను కల్పించి ఉంటే నవీన్ లాంటి నిరుద్యోగులు ఎందుకు ఆత్మహత్యలు చేసుకుంటున్నారు..? కనీసం కార్పొరేషన్ ద్వారా కూడా లోన్లు ఇవ్వడం చేతకాదు. కేసీఅర్ కి అసలు పరిపాలన కూడా చేతకాదు. నోటిఫికేషన్ లు ఇవ్వడం అంతకన్నా చేతకాదు. నిరుద్యోగ భృతి 3016 రూపాయలు ఇస్తామని మోసం చేశారు. కేసీఅర్ చేసిన మోసాలకు నిరుద్యోగులు లెటర్లు రాసి పెట్టీ మరి ఆత్మహత్యలు చేసుకుంటున్నారు. నిరుద్యోగుల చావులకు కారణం కేసీఅర్. నిరుద్యోగానికి కారణం కేసీఅర్. సకాలంలో నోటిఫికేషన్ లు ఇస్తే ఎవరు ఆత్మహత్యలు చేసుకోరు. నిరుద్యోగుల ఆత్మహత్యలు ప్రభుత్వం చేస్తున్న ఆత్మహత్యలు. తల్లి దండ్రుల బాద అంతా ఇంతా కాదు. బిడ్డలను చదివించి తప్పు చేశాం అని ఏడుస్తున్నారు. ఇది బంగారు తెలంగాణ కాదు..ఆత్మహత్యల తెలంగాణ. ఇది బార్ల తెలంగాణ.. బీర్ల తెలంగాణ’ – వైఎస్ షర్మిల(YS Sharmila)
Read Also: 129 రోజుల తరువాత 1000కి పైగా కొత్త కేసులు
Follow us on: Youtube Instagram