స్టార్షిప్ ప్రయోగ పరీక్షలో అమెరికాకు చెందిన స్పేస్ఎక్స్ కంపెనీకి మరోసారి చుక్కెదురైంది. మెక్సికో సరిహద్దుకు సమీపంలోని టెక్సాస్ రాష్ట్రం నుంచి విజయవంతంగా గగనతలంలోకి దూసుకెళ్లిన ఈ మెగా రాకెట్.. కిందకు మాత్రం సురక్షితంగా దిగలేకపోయింది. వ్యోమగాములు, ఉపగ్రహాలు లేకుండా ఖాళీగా నింగిలోకి ఎగిరాక దాదాపు ఒక గంట సమయం అనంతరం.. భూమికి తిరిగొచ్చే క్రమంలో ఈ వ్యోమనౌకతో సంబంధాలు తెగిపోయినట్లు స్పేస్ఎక్స్ తెలిపింది. స్టార్షిప్కు ఇది మూడో ప్రయోగ పరీక్ష.