స్వతంత్రటీవీ, వెబ్ డెస్క్: పవర్ స్టార్ పవన్ కల్యాణ్ ను నటి పూనమ్ కౌర్ మళ్లీ కెలిక్కింది. పవన్ నటిస్తున్న తాజా చిత్రం ‘ఉస్తాద్ భగత్ సింగ్’ సినిమాకు సంబంధించిన ఫస్ట్ గ్లింప్స్ ప్రీ లుక్ పోస్టర్పై పూనమ్ తీవ్ర అభ్యంతరం వ్యక్తం చేస్తూ ఓ ట్వీట్ చేసింది. ‘మీరు స్వాతంత్ర్య సమరయోధులను గౌరవించలేకపోతే పోయారు కానీ, కనీసం అవమానించకుండా ఉండండి. తాజాగా విడుదలైన ఓ సినిమా పోస్టర్లో భగత్ సింగ్ పేరును పాదాల కింద ఉంచి అవమానించారు.. ఇది అహంకారమా? అజ్ఞానమా?’ అని ఆ ట్వీట్ లో ప్రశ్నించింది.
అంతే పూనం ట్వీట్ పై పవన్ ఫ్యాన్స్ తీవ్ర ఆగ్రహం వ్యక్తం చేస్తున్నారు. పవన్ కల్యాణ్తో ఏదైనా ప్రాబ్లమ్ ఉంటే ఫేస్ టు ఫేస్ తేల్చుకో.. సినిమా పోస్టర్ని పోస్టర్లా చూడు అని కామెంట్స్ చేస్తున్నారు. కేవలం పోస్టర్కి నానా రచ్చ చేస్తున్నావ్, ఇలా ఫేమస్ అవుదామని చూస్తున్నావా? అంటూ ఫైర్ అవుతున్నారు. కాగా మైత్రీ మూవీ మేకర్స్ నిర్మిస్తున్న ఈ చిత్రానికి హరీశ్ శంకర్ దర్శకత్వం వహిస్తుండగా.. శ్రీలీల కథానాయికగా నటిస్తోంది. రాక్స్టార్ దేవి శ్రీ ప్రసాద్ సంగీతం అందిస్తున్నాడు.
When u cannot respect revolutionaries atleast don’t insult them – a recent poster release for a movie – insults the name #bhagatsingh by placing it below foot – ego or ignorance ?
— पूनम कौर ❤️ poonam kaur (@poonamkaurlal) May 11, 2023