హృతిక్ రోషన్, దీపికా పదుకొనె జంటగా సిద్దార్ధ్ ఆనంద్ దర్శకత్వంలో తెరకెక్కుతున్న యాక్షన్ డ్రామా మూవీ ‘ఫైటర్’. ప్రారంభం నాటి నుండి అందరిలో భారీ అంచనాలు కలిగించిన ఈ మూవీని వయాకామ్ 18 స్టూడియోస్, మార్ ఫ్లిక్స్ పిక్చర్స్ సంస్థలపై మమతా ఆనంద్, రామన్ చిబ్, అంకు పాండే గ్రాండ్‌గా నిర్మిస్తున్నారు. విశాల్ శేఖర్ సంగీతం అందిస్తున్న ఈ మూవీలో అనిల్ కపూర్, అక్షయ్ ఒబెరాయ్, సంజీదా షేక్ తదితరులు కీలక పాత్రలు పోషిస్తున్నారు. ఈ సినిమాను 2024 జనవరి 25న గ్రాండ్ గా ఆడియన్స్ ముందుకి తీసుకురానున్నారు.
ఈ క్రమంలో చిత్ర యూనిట్ ప్రమోషన్స్ స్టార్ట్ చేసింది. ప్రమోషన్స్‌లో భాగంగా ఫైటర్ మూవీ నుండి “షేర్ కుల్ గయ” అంటూ సాగే పార్టీ సాంగ్‌ను విడుదల చేశారు. హృతిక్ రోషన్ , దీపికా పదుకొనె డాన్స్ మూమెంట్స్ ఫాన్స్ ను ఫిదా చేస్తున్నాయి. సిద్ధార్థ్ ఆనంద్, హృతిక్ రోషన్ కాంబినేషన్‌లో గతంలో వచ్చిన “బ్యాంగ్ బ్యాంగ్” , “వార్” సినిమాలు సంచలన విజయాలు సాధించాయి. ఆ చిత్రాలకు ఏమాత్రం తగ్గకుండా మరింత ఎక్కువ అంచనాలతో ఫైటర్ సినిమాను ప్రేక్షకుల ముందుకు తీసుకొచ్చేందుకు చిత్ర యూనిట్ ప్రయత్నాలు చేస్తోంది.