TSPSC| టీఎస్పీఎస్సీ పేపర్ లీకేజీ వ్యవహారం రాష్ట్ర మంతటా సంచలనంగా మారడంతో ఎప్పుడు ఏ పరీక్షా వాయిదా పడుతుందోనని అభర్ధులు ఆందోళన చెందుతున్నారు. ఈ క్రమంలో మరో పరీక్షను వాయిదా వేస్తున్నట్లు టీఎస్పీఎస్సీ ప్రకటించింది. ఏప్రిల్ 4న జరగాల్సిన హార్టికల్చర్ ఆఫీసర్ పరీక్షను వాయిదా వేస్తున్నామని..తిరిగి ఈ పరీక్షను జూన్ 17న నిర్వహించనున్నట్లు వెల్లడించింది. ఈ పరీక్షను ఉదయం 10 గంటల నుంచి మధ్యాహ్నం 12.30 గంటల వరకు.. మధ్యాహ్నం 2.30 నుంచి సాయంత్రం 5.00 గంటల సమయంలో నిర్వహించనున్నారు.
మొదటగా గ్రూప్‌-1 ప్రిలిమినరీతో పాటు డివిజనల్‌ అకౌంట్స్‌ అధికారి(DAO), అసిస్టెంట్‌ ఎగ్జిక్యూటివ్‌ ఇంజినీర్‌(AEE), అసిస్టెంట్‌ ఇంజినీర్‌(AE) పరీక్షలు రద్దు కాగా.. టౌన్‌ప్లానింగ్‌ బిల్డింగ్‌ ఓవర్‌సీర్‌(TPBO), వెటర్నరీ అసిస్టెంట్‌ పరీక్షలు కూడా వాయిదా పడ్డాయి. అయితే గ్రూప్‌-1 ప్రిలిమినరీ పరీక్ష తేదీని కమిషన్‌ ఇప్పటికే ఖరారుచేయగా… ఈ పరీక్షను జూన్ 11న నిర్వహించడానికి అన్ని ఏర్పాట్లు చేస్తుంది.అలాగే రద్దయిన పరీక్షలతో పాటు… వాయిదా పడిన పరీక్షలకు మరో రెండ్రోజుల్లో కొత్త తేదీలు వెల్లడించే అవకాశాలు ఉన్నట్లు తెలుస్తోంది.