పీవీఆర్ట్స్ పతాకంపై వెంకట్ పులగం నిర్మాతగా తల్లాడ సాయికృష్ణ దర్శకత్వంలో రూపొందిన చిత్రం “మిస్టరీ”. తనికెళ్ల భరణి, అలీ, సుమన్ ప్రధాన పాత్రలు పోషించిన ఈ సినిమాలో సాయికృష్ణ, స్వప్న చౌదరి జంటగా నటించారు. సంగీత దర్శకుడు రామ్ తవ్వ స్వరపరిచిన ‘ఎదురయ్యే సవాళ్లు’ పాటను ఆస్కార్ అవార్డ్ రచయిత చంద్రబోస్ చేతుల మీదుగా విడుదల చేసింది చిత్రయూనిట్. ఈ ‘మిస్టరీ’ చిత్రం అక్టోబర్ 13న విడుదల కానుంది.
ఈ సందర్భంగా చంద్రబోస్ మాట్లాడుతూ ‘‘‘మిస్టరీ’ సినిమాలోని ‘ఎదురయ్యే సవాళ్లు’ అనే గీతాన్ని ఆవిష్కరించాను. పాట చాలా బాగుంది. ఈ పాటకి సాహిత్యం అందించిన శ్రీనివాస్ సూర్యకి, పాడిన మనోజ్‌కి అభినందలు. సినిమాలో కథానాయికగా చేసిన స్వప్న చౌదరి నాకు ఆస్కార్ వచ్చినప్పుడు మొదటగా మా ఊర్లో నా సన్మాన కార్యక్రమానికి యాంకర్‌గా వ్యవరించింది. చాలా చూరుకైన అమ్మాయి. అలానే డైరెక్టర్‌గా, కథానాయకుడిగా తల్లాడ సాయికృష్ణ ప్రతిభ చాలా అమోగం. సాయికృష్ణకి మంచి భవిష్యత్తు ఉంది. చిత్ర నిర్మాతకి, చిత్ర బృందానికి విజయం చేకూరాలని ఆశిస్తున్నాను.’’ అని అన్నారు.
డైరెక్టర్ తల్లాడ సాయికృష్ణ మాట్లాడుతూ ‘‘ఇది ఒక కామెడీ థ్రిల్లర్ సినిమా. అవుట్ పుట్ చాలా బాగా వచ్చింది.
ఈ రోజు మా సినిమాలో ‘ఎదురయ్యే సవాళ్లు’ పాటను చంద్రబోస్ గారు విడుదల చేయడం చాలా సంతోషంగా ఉంది. ఈ పాట అందరికీ నచ్చుతుంది. సినిమా అక్టోబర్ 13న విడుదల అవుతుంది’’ అని తెలిపారు.
హీరోయిన్ స్వప్న చౌదరి అమ్మినేని మాట్లాడుతూ ‘‘నేను అడగ్గానే మా సినిమాలోని పాటని చంద్రబోస్ గారు విడుదల చేయడం నా అదృష్టంగా భావిస్తున్నాను. నాకు ఒక తండ్రిలాగా నా భవిష్యత్ బాగుండాలి అని చంద్రబోస్ గారు ఆశీర్వదించడం చాలా సంతోషంగా ఉంది. అలానే వెంకట్ దుగ్గిరెడ్డి, రవి రెడ్డి, బాబీ గారికి ప్రత్యేక ధన్యవాదాలు తెలుపుతున్నాను’’ అని అన్నారు.
సత్య శ్రీ, గడ్డం నవీన్, అకెల్లా, షన్ను, సి.కె.రెడ్డి, శోభన్ నటిస్తున్న ఈ సినిమాకి కథ మాటలు- శివ కాకు, సాహిత్యం- శ్రీనివాస్ సూర్య, గానం- మనోజ్, సంగీతం- రామ్ తవ్వ , కెమెర – సుధాకర్ బార్ట్లే, ఎడిటింగ్ – సూర్య తేజ గంజి.