తనని హౌస్ అరెస్ట్ చేయడంతో పోలీసులపై నెల్లూరు రూరల్ ఎమ్మెల్యే కోటంరెడ్డి శ్రీధర్ రెడ్డి(Kotamreddy Sridhar Reddy) ఆగ్రహం వ్యక్తంచేశారు. ఏదో డాన్ ఇంటిని మట్టడించినట్టు తాను ఉంటున్న మాగుంట లేఔట్ మొత్తాన్ని రౌండప్ చేస్తారా?అని మండిపడ్డారు. డ్యూటీలు చేయడం మానేసి ఎంతో కాలం తన చుట్టూ తిరగలేరని తెలిపారు. అంతకుముందు పొట్టేపాళెం కలుజు వంతెన మరమ్మతు పనులను పూర్తి చేయాలని డిమాండ్ చేస్తూ ఆయన 8గంటల జలదీక్షకు పిలుపునిచ్చారు. దీంతో పోలీసులు ఆయనను గృహనిర్బంధం చేశారు. దీంతో తన ఇంటి వద్దే భైఠాయించి నిరసన దీక్షకు దిగారు. కోటంరెడ్డి ఇంటికి భారీగా చేరుకున్న అభిమానులు, కార్యకర్తలు పోలీసులకు వ్యతిరేకంగా పెద్ద ఎత్తున నినాదాలు చేశారు. ఈ నేపథ్యంలో నెల్లూరులో ఉద్రిక్తత వాతావరణం నెలకొంది.
Read Also: ఎల్లుండి నుంచి జగనన్నే మా భవిష్యత్తు కార్యక్రమం
Follow us on: Youtube, Instagram, Google News