Tomato Price Drop: దిగొస్తున్న టమాటా ధర.. హైదరాబాద్‌లో ఎంతంటే?

స్వతంత్ర వెబ్ డెస్క్: నిన్న, మొన్నటి వరకు అందనంత ఎత్తులో ఆకాశంలో విహరించిన టమాట ధర (tamato price) క్రమంగా కిందకు దిగి వస్తోంది. రెండ్రోజుల నుంచి టమాటా ధరలు తగ్గుతూ వస్తున్నాయి. మొన్నటి వరకు కిలో టమాటా రూ. 200 లకు పైగా అమ్ముడు పోగా.. రూ. 300 దాటుతుందని అంతా అనుకున్నారు. కానీ అంచనాలను తలకిందులు చేస్తూ టమాటా ధర తగ్గుతోంది. కిలో టమాటాను రూ. 250కి పైగా అమ్మిన వ్యాపారులే ఇప్పుడు రూ. 63 విక్రయిస్తున్నారు. హైదరాబాద్ రైతు బజార్ లో కిలో టమాటా(tamota) రూ. 63 గా ఉంది. బయట మార్కెట్లలో టమాటా ధర ఇంకా ఎక్కువగానే ఉంది. రూ. 120 నుంచి రూ. 140 వరకు విక్రయిస్తున్నారు. మొన్నటి కంటే రెండ్రోజుల నుంచి మార్కెట్ కు అధిక మొత్తం టమాటా వస్తోంది. 10 రోజుల క్రితం వరకు హైదరాబాద్ (Hyderabad) హోల్‌సెల్ మార్కెట్ కు కేవలం 850 క్వింటాళ్ల టమాటా మాత్రమే రాగా.. సోమవారం ఏకంగా 2,450 క్వింటాళ్ల పంట వచ్చింది.