విషాదం.. నాలాలో పడి చిన్నారి మృతి

Hyderabad | సికింద్రాబాద్‌ కళాసిగూడ వద్ద నాలాలో పడి చిన్నారి మృతి చెందింది. నాలా ఫుట్‌పాత్ పైకప్పు నుంచి పడి మౌనిక (6) మృతి చెందింది. వర్షానికి నాలా పైభాగంలో రంధ్రం కావడంతో బాలిక నాలాలో పడింది. అయితే కిరాణా వస్తువుల కొనుగోలుకు వెళ్తుండగా నాలాలో పాప పడినట్లు చెబుతున్నారు. నాలాలో చిన్నారి మృతదేహం లభ్యం కావడంతో బంధువులు రోదిస్తున్నారు. కాగా, చిన్నారి మృతదేహాన్ని పోలీసులు గాంధీ ఆస్పత్రికి తరలించారు. చిన్నారి తల్లిదండ్రుల ఫిర్యాదు మేరకు పోలీసులు కేసు నమోదు చేసుకొని దర్యాప్తు చేపట్టారు.