స్వతంత్ర, వెబ్ డెస్క్: వరంగల్ లో ద్విచక్ర వాహనాల చోరీలకు పాల్పడుతున్న మైనర్ తో సహ ముగ్గురు దొంగలను సిసిఎస్, సుబేదారి పోలీసులు సంయుక్తంగా కల్పి అరెస్టు చేశారు. వీరినుండి రెండు లక్షల 75 వేల రూపాయల విలువైన మూడు ద్విచక్ర వాహనాలతో పాటు రెండు సెల్ఫోన్లను పోలీసులు స్వాధీనం చేసుకున్నారు..
ఈ అరెస్టుకు సంబంధించి క్రైమ్స్ ఏసిపి డేవిడ్ రాజు వివరాలను వెల్లడిస్తూ… పోలీసులు అరెస్టు చేసిన మైనర్ బాలుడితో పాటు మరో ఇద్దరు నిందితులు విసునూటి రవీందర్ అలియాస్ బబ్లూ (21), అలుగు నరసింహరావు (20) లను అరెస్ట్ చేశారు. ఈ ముగ్గురు నిందితులు హనుమకొండ హంటర్ రోడ్డులోని దీనదయాల్ నగర్ చెందిన కావడంతో వీరి మధ్య స్నేహం కుదరటంతో ఈ ముగ్గురు నిందితులు మద్యం సేవిస్తూ జల్పాలు చేసేవారు. వీరిలో బాల నేరస్థుడు గతంలో హనుమకొండలోని పద్మాక్షీ దేవాలయంలో హుండీ పగులగోట్టి.. డబ్బు చోరీ చేసిన సంఘటన బాల నేరస్తుడుని పోలీసులు అరెస్టు చేయగా, మిగితా ఇద్దరు నిందితులు కుడా గతంలో ద్విచక్ర వాహనాల చోరీలకు పాల్పడి పోలీసులకు చిక్కారు.