ఉప్పల్ స్టేడియం వద్ద ఉద్రిక్తత

    హైదరాబాద్‌ ఉప్పల్ రాజీవ్‌గాంధీ అంతర్జాతీయ స్టేడియం వద్ద ఉద్రిక్తత నెలకొంది. ఐపీఎల్ టికెట్లను బ్లాక్ లో అమ్ముకుంటుందని ఆరోపిస్తూ… యూత్ కాంగ్రెస్ శ్రేణులు ఆందోళన చేపట్టారు. HCA అధ్య క్షుడు జగన్‌మోహన్‌రావు దిష్టిబొమ్మను దహనం చేశారు. ఇవాళ సాయంత్రం సన్ రైజర్స్, రాయల్ చాలెంజ్‌ల మధ్య మ్యాచ్ జరగనున్న సందర్భంగా  ఆందోళన చేస్తున్నారు యూత్ కాంగ్రెస్ నేతలు. తక్షణమే HCA అధ్యక్షుడు జగన్మోహన్ రావు రాజీనామా చేయాలంటూ ఆందోళన చేశారు. దీంతో నిరసనకారులను రాచకొండ పోలీసులు అరెస్ట్ చేశారు.