రేవంత్‌రెడ్డి ఓ భూ కబ్జాదారు – హరీష్‌రావు

తెలంగాణ సీఎం రేవంత్‌రెడ్డిపై తీవ్రస్థాయిలో ఫైరయ్యారు మాజీ మంత్రి హరీష్‌రావు. రేవంత్‌ ఓ భూ కబ్జాదారుడని ఆరోపించారు. సంగారెడ్డిలో పర్యటించిన హరీష్‌రావు… ప్రశ్నించే గొంతులపై బ్లాక్‌మెయిల్‌ రాజకీయం చేస్తున్నారని మండిపడ్డారు. తనపైనా అలాంటి ఆరోపణలే చేశారని అన్నారు. తాను కొనుగోలు చేసిన భూమిలో సెంటు కూడా ప్రభుత్వ భూమి లేదన్నారు. ఏ సర్వే కైనా తాను సిద్ధమని సవాలు విసిరారు హరీష్‌రావు. రైతులు పండించిన ధాన్యాన్ని తెలంగాణ ప్రభుత్వం దళారుల పాలు చేసిందని ఆరోపించారు మాజీ మంత్రి హరీష్‌రావు.