స్వతంత్ర వెబ్ డెస్క్: బాహుబలి సినిమా ఇచ్చిన బ్లాక్ బస్టర్ హిట్‌తో ప్రభాస్ రేంజ్ మారిపోయింది అనే చెప్పవచ్చు. పాన్ ఇండియా స్టార్‌గా మారిపోయిన ప్రభాస్ చేతిలో పాన్ నాలుగైదు పాన్ ఇండియా సినిమాలు ఉన్నాయి. వాటిని వరుసగా పూర్తి చేసే పనిలో బిజీ అయిపోయాడు ప్రభాస్. ఆదిపురుష్, సలార్, ప్రాజెక్ట్ కే, మారుతి రాజా డీలక్స్ వంటి భారీ పాన్ ఇండియా సినిమాలు ఉన్నాయి. వీటిలో ఆదిపురుష్ జూన్ 16న విడుదల కాబోతుంది. ఇక సలార్, ప్రాజెక్ట్ కే సినిమాలు షూట్‌ను జరుపుకుంటున్నాయి.. ఈ రెండు దాదాపు చివరి దశకు అయితే చేరుకున్నాయి.. అలాగే రాజా డీలక్స్ షూటింగ్ కూడా సగానికి పైగానే షూట్ పూర్తి చేసుకుంది.
ఈ సినిమాలతో పాటు ప్రభాస్ లైనప్‌లో మరో సినిమా ఉన్న విషయం తెలిసిందే. అర్జున్ రెడ్డి ఫేమ్ సందీప్ వంగతో ఎప్పుడో ఓకే సినిమాను ప్రకటించాడు ప్రభాస్. ఈ సినిమాకు స్పిరిట్ అనే టైటిల్‌ను కూడా ఫిక్స్ చేయగా దీని నుంచి ఇంకా ఎటువంటి అప్డేట్ అయితే రాలేదు. ఈ కాంబో నుండి తాజాగా అందుతున్న సమాచారం ప్రకారం మేకర్స్ ఈ సినిమాను ఈ ఏడాదిలోనే స్టార్ట్ చేయనున్నట్టు సమాచారం. నవంబర్ నుండి ప్రభాస్ ఈ సినిమా షూట్‌లో పాల్గొనబోతున్నాడు అని తాజాగా ఒక వార్త వైరల్ అవుతుంది. ప్రభాస్ సినిమాల లిస్టులో నుండి ఆదిపురుష్ సినిమా పూర్తి అవడంతో కొత్త సినిమా షూట్ యాడ్ అయ్యిందని తెలుస్తుంది. ఈ సినిమా ఎప్పుడు స్టార్ట్ అవుతుందో చూడాలి.